Dayîka Çagla Yelesera ke 5ê kanûne de Dêrsim de şehîd bîye, Gultaze Yeleser ameye tehlîyekerdene. Wekîlê HDPyî  Alîcan Onluyî da zanayene ke ê waşt Gultaze Yeleser zîyaret bikero la hetê leşkeran ra ameyo astengkerdene.

Onluyî bi vîdeokî vera astenkerdişan nêrazîbîyayîş mojna û vat: ''Dayîka Çagla Yelesera ke 5ê kanûne de Dêrsim de şehîd bîye, Gultaze Yeleser û kênaya ci Gulbeden verî bîlasebeb bi tewirêkê bêheq û bêhuqûqî ameyî tepiştene û dima ra ameyî veradayene. Nika kesê ke wazenê şirê zîyaretê înan yenê astengkerdene.''