Goreyê zanayîşanê ke ameyê girewtene dewleta tirke ya îşxalkere dewê Sigêrê, Guherzêpan û Nihêlê yê qezaya Amedîyê yê şaristanê Dihokî yê Başûrê Kurdîstanî dayî bombayan ver.

Derheqê netîceya hêrişî de zanayîşêk nêame destvistene.

Dewleta tirke ya îşxalkere bi hawayêkê sîstematîkî waranê sivîlan ê Başûrî hedef kena. Parî ra nata hêrişanê vera Başûrî de xeylêk sivîlî şehîd bîyî. Heyetê Pawitişê Dormeyî yê Herêma Kurdîstanê Federalî 9ê çeleyî de eşkerayîyêke daye û da zanayene ke dewleta tirke hêrişan de zerar dayo erazîyê bi mîlyonêk donimî.

Rêxistina Haştîye ya Xirîstîyanan (Christian Peacemaker Teams -CPT) raporê xo yê hezîrana 2021î de pare kerd ke hêrişanê Tirkîya yê vera Başûrî de 103 sivîlî merdî, 148 dewî ameyî vengkerdene û 500 dewijî binê gefê vengkerdişî de yê.