Gerîlaya YJA-Starî Rûken Serhed hêrişê dewleta tirke û xoverdayîşê gerîlayan ANFyî rê ercna.

Gerîlaya YJA-Starî Rûkene Serhed operasyonê îşxalî yê vera Herêmanê Pawitişî yê Medya vist vîrî û vat: ''Nê operasyonî 24ê nîsane de dest pêkerd û dewam şerê 2015î yo. Dewleta tirke 2021 ra nata erdî ra hêrişê Başûrî kena.  Dewlete tim vana 'Ma hê PKK qedînenê.' La bi serran o ma nê koyan de gerîlatîye kenê. Metîna, Zap û avaşîn de dewleta tirke bi hawayêkê pîlî bin kewte. Gerîlayan bawerîya xo ya bi serkewtişî û xoverdayîşê xo yê seba serkewtişî mojna.

Armancê ma yo bingeyîn azadîya Rayber Apoyî û teşhîrkerdişê polîtîkayanê şerî yê Erdogan-Bahçelîyî yo. Hemleyê Cengê Xabûrî û Bazanê Zagrosî heta astêke resayî armancê xo. Rixmê şert û mercanê zimistanî zî gerîlayî bi hawayêkê profesyonelî cewab danê teknîkê dewleta tirke. Taktîkanê gerîlayî teknîkê dewleta tirke pûç kerd. No binkewtiş do dewlete zêdêr teng bikero. Hetê profesyonelî, leşkerî, naskerdişê dişmenî û şerê goreyê ci, perwerîya bi Rayberîye ra ma do xo zêdêr xorin bikerê. Bawerîya ma bi serkewtişê pîlî ya. Pê paştdayîşê şarê xo ma do azadîya Rayberîye bîyarê ca.''