Vera îşxalê dewleta tirke yê vera Heftanînî xoverdayîşê gerîlayanê HPG û YJA-Starî dewam keno. Gerîla Serhildan Vîyane Çîya derheqê xoverdayîşê Heftanînî de qisey kerd.

Gerîla Serhildan Vîyane Çîya vat: ''Embazê ke şehîd bîyî bi çêrî tewrê xoverdayîşê Heftanînî bîyî. Têkoşînê înan dişmen kerd teng. Ma do zî wayîrê mîrasê embazanê ê şehîdan vejîyenê û rêçê înan ser şinê.

Teknîkê dişmenî çend aver şoro zî nêeşkeno xpverdayîşê Heftanînî çin bikero. Welat welatê ma yo, koyî koyê ma yê, tîya cayê dewleta tirke nîyo. Ê hêzê faşîstî nêeşkenê Heftanîn de bimanê. Çend hetê teknîkî ra aver bo zî dişmen nêeşkeno verê gerîlayan bigêro. Heftanîn de cuye dewam kena, xpverdayîş zî. Xoverdayoxî bi moralêkê pîlî têkoşîn kenê.

Serewedaritişê şarî seba gerîla beno moralêkê pîlî. Kurdîstan de bîlançoyêko giran esto. La se beno wa bibo ma do ser bikewê. Ma sey hêzanê YJA-Starî di perran ra hêriş kenê. Ma hem vera hîşmendîya serdestîya camêrdan hem zî vera dişmenî şer kenê. Ma xeta azadîya cinîyan pawenê.

Milê ma ser o barêko giran esto. Ganî ciwanê kurdî nê prosesî de bi hawayêkê mesuldarî têbigêrê.Ma do serrgêra emserîne ya partîya xo bikerê wesîleya serkewtişî. Nê esasî ser o ma do hemleya têgêrayîşê xo aver berê.Ma do zêdêr çalakîyan bikerê. Wext wextê azadkerdişê Rayber Apoyî yo.Ma serrgêra ronayîşê partîya xo PKK ya şar û Rayberê xo fîraz kenê.''