Gerîlayanê YJA-Starî Havva Koçer û Vîyane Botan Radyoyê Dengê Welat rê qisey kerd. Ercnayîşê gerîlayanê YJA-Starî Havva Koçer û Vîyane Botan wina yê:

''Havva Koçer: Şerê 23ê nîsane a raşte a roje dest pênêkerd. Wexto ke prosesê adirbirnayîşî qedîya vera têgêrayîşê ma hêrişan dest pêkerd. Faşîzmê AKP-MHPyî bi têgêrayîşê îşxalê vera Zap, Metîna û Avaşînî hêrişê xo zêdînayî. Înan waşt Garê îşxal bikerê la bin kewtî. La xoverdayîşê embazanê ma ê bin visgtî. Dişmeno ke hêrişê Zap, Metîna û Avaşînî kerd, teng bîyo. Armancê rejîmê AKP-MHPyî çend mengan de îşxalê Herêmanê Pawitişî yê Medya îşxal bikero. Nê herêman de rayberîya YJA-Starî de xoverdayîşêko pîl esto. Îradeyê embazan fedakarîya înan morelê merdimî geş keno. No zî bi hêzê Rayberîye yo.

Vîyane Botan: Nîsane ra nata şerêko pêroyî esto. Dewleta tirke wazena şarê kurdî, têgêrayîşê azadîye çin bikera. Çeka kîmyewîye, çekanê qedexeyan şuxilnena. Vera ney xoverdayîşê gerîlayan zî dewam keno. Wexto ke merdim ewnîyeno nê prosesî ra vîneno ke gerîlayî zêdêr nêzdîyê serfîrazîye bîyê.

Havva Koçer: Nê şerî tesîrê îradeyê cinîyanê dinya kerd, çunke rayberîya cinîyan de yeno kerdene. Xeylêk çalakîyanê serkewteyan de hêzê YJA-Starî rayber bîyî. Gerîlayanê YJA-Starî îsbat kerd ke ê eşkenê ser bikewê, teslîmîyetî qebul nêkenê, seba pawitişê îradeyê xo têkoşîn kenê. Dewleta tirke key pê îradeyê gerîlayan nêeşkaye dest eşt çeka kîmyewîye. Ma pê hêzê şehîdanê nê şerî do têkoşîn bikerê.

Vîyane Botan: Xoverdayîşê Metîna, Zap û Avaşînî de rolê YJA-Starî girîng ê. Gerîlayanê YJA-Starî şerê vera dişmenî de çalakîyê serkewteyî kerdî. Çalakîyan de merdimî eşkenê tersê dişmenî bivînê.

Havva Koçer: Qanûnê şerî estê la nê şerî de merdim vîneno ke hêzê dewlete çin o. Dewleta tirke goş nêdana qanûnanê şerî, verê dinya de çeka kîmyewîye vejena. Dewleta îşxalkere verî zî çeka kîmyewîye şuxilnabî. La reyna zî nêeşkaye netîce bigêra.

Vîyane Botan: Gerîlayî hêrişanê vera Heftanînî de zî pê rolê xo têgêrayî, nika zî Herêmanê Pawitişî yê Medya de pê rolê xo têgêrenê. Dişmen nêeşkeno bikewo tunelanê şerî. Dewleta tirke wazena pê çeka kîmyewîye ser bikewa. La gerîlayî wayîrê taktîk û metodan ê û bialternatîf ê.

Havva Koçer: Rayberîya YJA-Starî de xoverdayîşê Kurdîstanî tesîrê teberê welatî zî kerd. Ewropa û Kurdîstan de şarê ma tim payan ser de yo, bêmabên çalakîyan kenê. No tesîrê gerîlayan o. Xoverdayîşê gerîlayan vilayê pêro waran beno. Ruhêkê neweyî şîn keno.

Vîyane Botan: Rayberîya gerîlayanê YJA-Starî de şerêk yeno kerdene. Şerwanan ê cinîyan tesîrê her cayî kerd. Şarê kurdî û dostê ci destek danê nê xoverdayîşî. Ma sey gerîlayanê YJA-Starî nê şerî de ma do ser bikewê û serfîraz bibê.''