Dew û dewekanê qezaya Xizanî yê Bedlîsî Harat, Akunus, Govan, Nanîlan, Xalepûr, Kekulan, Sureh, Pertawan, Kûran û Urehî de bi bahaneya ke gerîlayê tede ameyî dîyene qedexeyê tebervejîyayîşî ame îlankerdene. Qedexe roja diyîne de dewam keno. 

Artêşa tirke pêro şewe nêzdîyê herême da bombayan ver. Şewe ge ge vengê çekan zî ame eşnawitene. Serê sibayî de bombardumanan ra dima erdî ra hêrişan dewam kerd.

Hetê bînî ra vizêr dew Xûlepûrî de sereştişan de Sakîn, Muzaffer û Bedrettîn Altin ameybî destbendkerdene. Wina pawîyeno ke hîrê ferdê keyeyê Altinî ewro Bedlîs de vejîyê verê dozgerîye.