Gerîlayanê  HPG û YJA Starî yê ke vera hêrşanê dewleta tirke xoverdayîşê Cengê Heftanînî da destpêkerdene pê Hemleya Cengê Xebûrî xoverdayîş pîlêr kerd.

Gerîlaya YJA Starî Ciwane Cûdî  ard ziwan ke a destpêkerdişê hêrişanî ra herême de şer kena û vat: ''Dewleta tirke bi waştişê qedînayîşê gerîlayan hêrişê Herêmanê Pawitişî yê Medya kerd. Coka hêrişê zaf xurtî ameyî kerdene. Gerîlayî vera îşxalkeran bi hewayêkê qehremankî şer kenê. Beno ke tay qilî bêrê destfînayene la çalakîyê ma bêmabên dewam kenê. Bitaybetî Heftanîn de waşt şervananê azadîye çîn bikero la nêresa waştişê xo. Gerîlayan derbê pîlî dayî dişmenî ro. No erdê kurdan o, coka gerîlayî çirey tîya de nêqedîyenê. Tarz û taktîkê gerîlayan dişmen şok kerd. Dişmen se keno wa bikero do meşeko verê gerîlayan bîgêro.''

Gerîlayê HPGyî Ronî Arbaba ard ziwan ke dewleta tirke waşt estbîyayîşê xo Heftanînî de bipawo la gerîlayan destûrê ci nêda û vat: ''Seba ke Heftanîn cayêko stratejîk o dişmenî na herême ser o zaf planî kerdî. Dişmenî qilan de qereqolî nayî ro heme teknîkê xo şuxulna la rixmê naye nêeşka vera xoverdayîşê bi rûhê PKKyî aver şiro.  Çarçewa Hemleya Cengê Xebûrî de xeylêk çalakîyê serkewteyî ameyî kerdene. Çalakîyê qilanê Qertel û Sîpanî înan ra tay ê. Dişmenî texmîn nêkerdêne wina raştê xoverdayîşê pîlî yeno. Gerîlayan her waro ke dişmenî îşxal kerdo de da piro. Gerîlayî xo newe kenê û bi ruhê serkewtişî danê dişmenî ro.''