Endamê Konseya Rayberdişî ya HBDHyî Ferzat Canî Medya Haber TVyî rê qisey kerd û bale ante mesuldarîyanê hêzan ê şorişgêran ser.

Canî îfade kerd ke dewleta tirke tim wazena kurdan û têgêrayîşê kurdan çin bikera û vat: ''Dewleta tirke wazena têkilîya Vakur, Başûr û Rojawanê Kurdîstanî bibirna, temamîya Kurdîstanî îşxal bikera. Xora armancê ci Efrîn û Serêkanîyê de ameyî dîyene. Nika vera gerîlayan hêrişê giranî yê tasfîye estê. Nê hêrişî a raşte vera pêro kurdan ê. Gerîlayê ke Herêmanê Pawitişî yê Medya de xo ver danê, şer kenê gerîlayê şorişê ma yê yewbîyayeyî yê, seba serkewtişê şorişê ma têkoşîn kenê.

Xoverdayîşê gerîlayan xoverdayîşo antî-faşîst o. Sere de şorişgêr û sosyalîstî ganî pêro dezgehê antî-faşîstî, roşnvîr, partî û rêxistinê averwazî wayîrê nê xoverdayîşî vejîyê. Wezîfeyo sereke yê antîfaşîstbîyayîşî hetê nê xoverdayîşî de cagirewtiş o.''