Endama Komîteya Rayberdişî ya PKKyî Xalîde Engîzek bi wesîleya Newroze ANFyî rê qisey kerd. Engîzeke Newroze pîroz kerd kerd û nê vatî:

''Şarê kurdî tarîxî ra tim raştê hêrişanê îşxalî ame. Tim pê şer û înkarî cuya ci yena tarîkerdene. Bi qirkerdişê ke çirey nêameyo vînayene ame waştene ke bêro çînkerdene. Kurdî çend tarîtîye rê bîyî mehkum tîje û adir semedê înan dahîna bîyî hesret û roşnîye, dahîna bîyî bimBarek. Kurdê ke çirey verê zaliman de milê xo çewt nêkenê, tradîsyonê xoverdayîşî ra yenê, vera Dehaqî serkêşîya Kawa asinkarî de bi vengê azadîye. Herra ma vera zilmê îqtîdaran, serededartoxê xo afirnena.

Mergî ra newe ra cuye ame afirnayene

Tarîxê ma yê azadîye de bedelê girdî ameyî dayene. Ma wayîrê mîrasê xoverdayîşê biheybetî yê. Bingeyê nê mîrasî de xoverdayîş û çalakîyê Newroze est ê. Mîlîtananê ke berpirsîyarîya şarêk, tarîxêkî girewt xo ser goreyê nê têgêrayî. Ganê xo feda kerd û mergî ra newe ra cuye afirnaye. Zîndanê Amedî de ame waştene ke pê îşkenceyanê giran merdomo yewtîp bêro afirnayene. Xora çalakîyê ke Mazlûm Dogan, Çaran, Hayrî Durmuş, Kemal Pîr, Akîf Yilmaz û Alî Çîçekî vera nê wehşetî bedenê xo açarna warê xoverdayîşî, çalakîyê roşnkerdişî yê tarîxî yê. Nê çalakîyanê tarîxîyan de vera ehlaqê koletîye yê sîsemê faşîstî, ehlaqê azadîye yê şaran û bindestan vejîya vernî ke nê xoverdayîşî verê şorişê Kurdîstanî akerd.

Gerek ruhê koyan bikirişîyo meydanan

Hem têgêrayîşê ma yê azadîye de hem zî têgêrayîşê ma yê cinîyan de her şerte de xoverdayîş yeno esasgirewene.  Xoverdayîş cuye yo, cuye bi xoverdayîşî bena bimana. Wîna yew raştîye est a. Na raştîye semedê şarê kurdî yo ke ameyo ardene bertengê çînbîyayîşî,  hetê xoverdayîşê  newe ra ganîbîyayîş, xelisîyayîşî ra zaf muhîm a. Şarê Newroze wina ame afirnayene. Gerek bi ruhê xoverdayîşî yê Mazlûm Dogan, Zekîye Alkan, Ronahî, Bêrîvane, Rahşane, Veysî Aktaş û Mehmet Akarî berpirsîyarîye prosesî bêrê caardene. Na Newroze gerek çarçeweya şerê şarê şorişgêrî de bêro destgirewtene. Na newroze gerek bi ruhê Zap, Avaşîn, Metîna û embazan Sara û Rûkene bêro pîrozkerdene.  Gerek ruhê koyan bikirişîyo meydanan.

8ê Adare goreyê ruhê xo ame pîrozkerdene

Emser 8ê Adare zî rîyê erdlerzî ra sey şayîye nêame pîrozkerdene ke xora na roje roja xoverdayîş û pêrodayîşî ya. Sîsetê camêrd-serdestî seba ke zerrîya na roje veng bikerê sey roşanî pîroz keno. 8ê Adare goreyê xo bi xoverdayîş û paştîdayîşî ame pîrozkerdene. Warê mîyanneteweyî de zî emser 8ê Adare bi şîarê Jin Jiyan Azadî ame pîrozkerdene. Gerîlayanê YJA Starî zî Zap, Avaşîn û Metîna de xoverdayîş kiirşt tîtikî. Nê pêrune paştî daye cinîyan.Cinîyê serkêşî yê vera sîtemî bîyî hedefê sîstemê qirkerî. Silêmanî de Nagîhan Akarsel û Paris de Evîne Goyî ameyî hedefgirewtene. 

Newroze têna roşan nê, roja xoverdayîşî ya

Hêvîya ma yê serkewtişî her wextî ra zafêr a. Ma sey têgêrayîşî serra 50. sey serra azadîya Rayberîye û Newoza Rayberîye pênas kerd. Coka Newroze gerek bi nê ruhî, bicoş û pêrodayîşî bêro kerdene. Herra ma bêdermanîya dejan ra gankêşî de ya. Senî ke ma tim qurban bidê hûmayê dejan, ma gan danê. Gerek ma bibê yew dermanê xo yê komelkî aver bêrê. Ma zîhnîyetê cinîyan ê demokratîkan aver bêrê ke dejan bi heskerdiş, paştîdayîş û yewbîyayîşî çareser keno. Newroze têna roşan nê, roja xoverdayîşî ya. Gerek şarê ma, hêzê demokratîkî, cinî û ciwanî Newroze bi ruhê xoverdayîş û serkewtişî pîroz bikerê. Newroza emserî gerek cîya bîgêrîyo dest. Na Newroze, Newroza Rayberîye ya. Pîya bi Newroze gerek sîstemê qikerdişî yê Îmraliyî bêro parçekerdene û rijnayene.""