Bedrî Çakmako ke zîndan de pê kanserê mîdeyî kewtbi seba ke erey vera dîya dinyaya xo bedilnaye. Çakmako ke Zîndanê Amedî de tepişîyayêne 2021 de vera dîyabi.

Federasyonê Komeleyanê Paştdayîşê Huqûqî yê Merdimanê Tepişteyan û Hukmwerdeyan ê MEDî (MED TUHAD-FED) bi eşkerayîyêke pare kerd ke Bedrî Çakmak dinyaya xo bedilnaya.

Eşkerayîye de dîya zanayene ke rixmê raporanê 'nêeşkeno zîndan de bimano' Çakmak vera nêdîya û ancax 2021 de vera dîya ke nêweşîya ci resabî asta tewr berze.

MED TUHAD-FEDî îfade kerd ke îqtîdar mergê Çakmakî ra mesuldar o û keyeyê Çakmakî ra serweşîye waşte.

Eşkerayîye de ame waştene ke pêro tepişteyê nêweşî wa cade bêrê veradayene.