Vizêr seba ke DEDAŞî ceyranê ci birnabi qezaya Farqînî ya Amedî de domanê 2 serrî Yunus Emre Bîneno ke eşkayêne pê hacetê nefesî oksîjen bigêro dinyaya xo bedilnaye.

Endam û îdarekaranê HDP û DBPyî yê Farqînî DEDAŞ û DÎYARGAZo ke çend karkerê xo karî ra vetî verê bînayanê ci de protesto kerdî. Hemserekê HDPyî yê Farqînî Kenan Kayduyî ard ziwan ke înan vera DEDAŞî prosesê huqûqî da destpêkerdene.

Kayduyî vat: ''Doman Bînen rîyê DEDAŞî ra merdo. Qeydê nêweşxaneyî zî wina vanê. Nika zî ceyranê Abdurrahman Bîndîrîcîyî (73) zî ame birnayene ke nêweşê KOAHî yo. Seba ke DEDAŞ vaya ceyranî hende zaf keno şar keweno nê halî. Ma do na babete teqîb bikerê û destê ma ra çita bêro bikerê.''
Girseyî dima verê DÎYARGAZî de çalakîya xo rê dewam kerd. Kayduyî tîya de da zanayene ke DÎYARGAZî 7 karkerî bi bahaneya ke 'rixmê tesbîtê qeçaxî gaz nêbirnayo' karî ra vetî. Kayduyî vat: ''Nê krîzê ekonomîkî de karî ra vetişê karkeran qetî raşt nîyo.''

Girseyî dima keyeyê Yunus Emre Bînenî zîyaret kerd û serweşîye waşte.