Gerîlayê YJA Starî Amara û Ciwana ke cigêrayîşê rastîye de bîyî, rayîrê têkoşînê azadîye da xo ver û herêma Heftanînî de heta nefesê xo yê peyênî herra Kurdîstanî pawite.

Xeylê cinî û camêrdê ke azadîye gêrenê, vera xo danê koyanê Kurdîstanî û beşdarê xoverdayîşê tarîxî benê. Amara û Ciwana zî nê gerîlayan ra bîyî ke vera dewleta tirke xover daye. Her ke înan şer kerd koyê Kurdîstanî ra adirê azadîye girr kerd.

Ciwana Cûdî seba ke xo biresna hêvîyanê xişnan û amancanê xo bera sere serra 2014î de Botanî ra vera xo daye mîyanê refanê gerîlla. Hemverê her tewir zor zehmetîyan de bihêz bîye û her tim waşt ke têkoşînê xo aver bera. Zapî ra heta Garê, Metîna ra heta Heftanînî rayberîya serkewtişan kerde. Sey fermandarêka ciwane wexto ke eskeranê dewleta tirke waşt ke Heftanîn de xo bi ca bikerê, aye vera tifingê xo da înan ser û bi rojan nêverda ke ê xo biresnê herêma heftanînî. Ciwana Cûdî bi serran Heftanîn de rayberîya têkoşînî kerde.

 ‘Seba pawitişê herra xo ma do heta peynîye têkoşîn bikerê’

Fedayîyanê rayberan ê pêngava Cenga Xabûrî ra Amara Cûdî zî waşt warê xoverdayîşî de şer bikera û biba sey şerwananê bedew ê welatê xo. Hema gedeyîya aye de rîyê zilmê dewlete ra mecbûr menda ke warê xo terk bikera. Êdî taxê Wanî aye rê zaf dûrî bî, la Amara qerar daybî ke heyfê şarê xo bigîra. Coka a û waya xo ya pîle Dîlane vera xo daye waranê şerî

Amara serra 2015î ra heta 2020 herêma Heftanînî de mîyanê şert û mercanê tewr giranan de têkoşîn kerd. Amara derheqê şerî de nê çîyî vatbî: ‘‘Şer bê berdelan nêbeno. Seba pawitişê rûmetê şarê xo ma hazir ê ke canê xo feda bikerê. Ma do heta peynîye şer bikerê. Eke dewleta tirke şer wazena, ma do teqez xo apey nêdê û wezîfeyê ma çi bibo ma do bîyarê bi ca. Ma do têkoşînê xo heta peynîye bikerê.’’

Gerîlayanê YJA Starî ra Ciwana Cûdî û Amara Cûdî bi serran hemverê hêrîşanê dewleta tirke şer kerd. 17ê eylule 2022yî de warê Şehîd Kendalî yê Heftanînî de hêrîşanê eşxalî dest pêkerd. Amara û Cûdî hemverê nê hêrîşan şer kerd û darbeyî giranî dayî dewleta tirke ro. Peynîya nê hêrîşan de Amara û Ciwana birîndar bîyî. Seba ke nêdekewê destê dişmenî  bombayanê xo, xo ser o  teqnayî û beşdarê şehîdanê Kurdîstanî bîyî.