Fermandaranê Merkezê Pawitişê Şarî (MPŞ) ra Bawer Dêrsimî bi wesîleya serrgêra 38. ya Hemleya 15ê Tebaxe ANFyî rê qisey kerd.

Qiseykerdişê Bawer Dêrsimî ra tay noqtayê girîngî wina yê:

''No têkoşîno azadîye binê şert û mercanê giranan de dîyabi destpêkerdene. Têkoşînê ma armanc kerd ke raştîya şaranê bindestan vera hêrişanê qirkeran û îşxalkeran prosesê estbîyayîşî û cuya azade reyde bêra awankerdene. Pêro çalakîyê têgêrayîşê ma wayîrê mana û karakterêkê tarîxî yê. Hemleya 15ê Tebaxe wayîra ruh, xet û zanayîşî ya. Nê ruhî tim karakterê xoverdayîş, têkoşîn û dewamdayîşê têgêrayîşê azadîye xo rê kerd esas. 15ê Tebaxe bawerîyêka pîle û perwerîyêka bikelecane ya azadîye awan kerde; hêvîya azadîye û serfîrazîye gandar kerde.

Hemleya 15ê Tebaxe ra dima Kurdîstan de metodê şerê gerîlayan bi pratîk. Tarîxê azadîye de şerê gerîlayan rîpelêko newe akerd. Wexto ke Kurdîstan de PKKyî reyde xeta gerîlatîye ya teorîke û sîyasîye awan bîya, şerê şarî û gerîlagtîye sey taktîkê serekeyî yê şorişê azadîye ame îfadekerdene  û têkoşînê pratîkî de zî no bi binge. 15ê Tebaxe ra verî kurdan rê polîtîkaya îmha û înkarî ameyêne ferzkerdene. Şerê gerîlayan bi hawayêkê hîrayî vera ney pratîkê şarî aferna. Nika no pratîkê ma yo 40 serre rixmê zehmetîyan zî dewam keno. Xeta 15ê Tebaxe bingeyê xeta gerîlayan awan kerde. Gerîlatîye têna pê çeke şerkerdiş nîya. Gerîlatîye metodêkê cuye yo zî. Kurdîstan de gerîlatîye protîpê merdimanê azadan o. 15ê Tebaxe safhayêk a ke qederê cinî û camêrdanê kurdan vurnayo. Hemleya 15ê Tebaxe destvistişê nasname û kesayetê azadî yê kurdan o.

Vera raştîya sîyasetê înkar û îmha seserra 21. de şerê şarî yo şorişgêr û newe ra awankerdişê gerîlatîye seba serkewtişî lazim ê. Seba çinkerdişê hişmendîya faşîsre rayîrêko bîn çin o. Sey Têgêrayîşê Azadîye nê wextî de seba ke Gerîlatîya Modernîteya Demookratîke bi hawayêkê serkewteyî bêra caardene, ma gerîlatîye newe ra pênase kerde.Ma sîstemê xo yê rêxistinîye, têgêrayîş, çalalî û metodê cuye newe ra ercnayî û bi rêxistin kerdî.

Gerîlatîya ke ma do goreyê paradîgmaya neteweya demokratîke awan bikerê, bîya wayîrê tedeyîyêka newîye. Şerê Şarî yo Şorişgêr wayîrê taybetmendîya stratejîke yo. HPG û YJA-Star waranê felsefî, sosyolojîk, siyasî û leşkerîyan de warê hêzanê ma de hewceyê awanbîyayîşêkê xurtêr ê. Nê prosesî de şerwan û fermandaranê HPG û YJA-Starî çarçewa gerîlatîya mpdernîteya demokratîke de vera hêzanê faşîstan çalakîyê bi tesîrî kerdî û ê bîyî îlham Pratîkê ma yê şerê 38 serrî de, bi taybetî nê des serranê peyênan de ma vînenê ke metodê şerê klasîkî ameyî derbazkerdene û bi metodê şerê şarî yê şorişgêrî ma eşkenê dişmenî û teknolojîya ci ya pîle bin bikerê.

Operasyonê îşxalî yê 14ê nîsane, 4 mengan ra nata faşîzm destê metodanê gerîlayan ra derbê giranî werdî. Ewro Kurdîstan de şerêko bêhempa yeno kerdene. Sere de çeka kîmyewîye vera hêzanê ma pêro tewirê çeke şuxilîyenê. La embazê ma bêters şinê dişmenî ser, bi perwerîya Rayber Apoyî qehremanîya pîle mojnenê ra. Gerîlatîya seserra 21. nika Zap, Metîna û Avaşîn de yena kerdene. Embazê ma bi metodê pêrodayîşî, qerardarî, perwerî û netîcegîrîye gerîlatîya seserra 21. kenê.

Nê prosesî de ganî şarê ma, welatperwerî, cinî û ciwanê ma goreyê ney xo rêxistin bikerê û têkoşîn bikerê. Proseso nikayên prosesêko normal nîyo. Ganî şarê ma bi na hişmendîye têkoşînê azadîye berz bikero.

Nê rojan de ke ma hê kewenê serra 39. ya Hemleya 15ê Tebaxe gerîlayî hê xeta Zîlane û Egîdî de şerî kenê û pê çalakîyanê zengînan her roje serkewtişanê neweyan visnenê destî. Gerîlayê azadîye rayîr nêdanê kolonyalîzm û îşxalî. Kurdîstan de tarîxê azadîye ho nusîyeno.  Nê esasî ser o ma Roşanê Gerîlayan sere de Rayber Apoyî rê şarê xo rê û pêro hêzanê azadîye rê fîraz kenê. Serkewtiş do bibo ê gerîlayan ke serê xeta Egîdî û Zîlane de şer kenê.''