Nûjîne Sêrt (Zeynepe Dayan) 1989 de dadîya xo ra bena. Keyeyê ci teda û zulmê dewlete ra neçare maneno ke koçê metropolan bikero. La Nûjîne qetî welatê xo ra anêbirîyena û 2005 de beşdara gerîlayan bena. A Zapî ra heta Garê şer kena, xeylêk waran de manena, bena wayîra tecrubeyanê pîlan û milîtana PAJKî.

Nûjîne Metîna de dest pê pratîkî kerd, 2008-2009 de derbazê Zapî bîye. A tewra xoverdayîşê Zapî bîye û 2010 de perwerdeyan ra dima verê xo dana Botanî.

2010 ra heta 2017î aye xeylêk cayanê Botanî de têkoşîn kerd û bîye fermandarêka YJA-Starî. Nûjîne girîngîyêka pîle dayêne têkilîyanê embazîye û wina qala ci kerdêne: ''Aya ke têkoşînê ma îdare kena, PKKyî ser visnena embazîya ma ya. Her warî de mi têkilîyê xo yê embazîye bi xurtî awan kerdî.''

Nûjîne serrêke û nême Behdînan de mende, bi qerardarî serkêşîya prosesê serkewtişî kerd û 2018 de sey fermandarêke verê xo da Botanî. Aye Besta de sey fermandara herêmî ya YJA-Starî wezîfe kerd.

Nûjîne Sêrta ke tersî nêzanayêne 8ê nîsana 2021î de hêrişê dişmenî ra dima bi fedayîtî xo ver da, derbê giranî dayî dişmenî ro û pa çar embazanê xo tewra karwanê şehîdan bîye.