Fermandarîya Qerargehê Merkezê Pawitişê Şarî (MPŞ) bi eşkerayîyêke çalakîya serkewtîye ya Zapî fîraz kerde. Mesajo ke Fermandarîya Îdareyê Sevkî yê Herêmanê Pawitişî yê Medya rê ame şawitene de nê ameyî vatene:

''Girê Şehîd Munzurî yê Eyaletê Zapî ke binê berpirsîyarîya şima de yo de çalakîya serkewtîye ameye kerdene. Operasyono şorişgêro ke vera hêzê dişmenî ame kerdene operasyonêko serkewte yo. Na çalakîye vera şehedetanê Zagros û Dêrsimî sey çalakîya qesasî ameye kerdene. Seba ke no operasyono şorişgêr kerdo ma şexsê fermandarîya şima de  heme yewîyanê ke keda ci na çalakîye de esta, fîraz kenê û şima rê serekewtiş wazenê.

Rejîmê faşîstê qirkerdoxî sey leteyêkê şerê psîkolojîkî seba ke merdeyanê xo binimino sey parelelî cade zûrê xo serwîs kerdî û vat ma zî da piro û 6 gerîlayî kişîyayî. La ê se kenê wa bikerê nêeşkenê serê nê heqîqetê şorişgêrî yê serkewteyî bîgêrê. Eke çalakîyê winayên berê domnayene hemeleya ma do çarçewa Dem Demê Azadîye yo de ser bikewo. Bi na bawerîye ma heme hemrayê ke tewrê Operasyonê Şorişgêrî yê Zapî bîyî û heme hêzanê eyaletê Zapî reyna selam kenê û têkoşînê bimbarekî yê azadîye û demokrasîyî de serkewtiş wazenê.''