Merkezê Îrtîbatî û Çapemenîye yê HPGyî bi eşkerayîyêke bîlançoya şerî ya menga êlule eşkera kerde. Eşkerayîye wina ya:

''Gerîlayê azadîye yê Kurdîstanî Vakurê Kurdîstanî û Herêmanê Pawitişî yê Medya de bêmabên xoverdayîşê xo vera hêriişanê qirkerdişî dewam kenê. Gerîlayî mîyanê şertanê zehmetan de zî bi îrade, eql û zerrîya Apogîran benê fedayî û rolê xo anê ca. Gerîlayî Şerê Şarî yê Şorişgêrî de mîsyonê xo yê serkêşîye bê teredut û bê mabênî anê ca.

Menga êlule de zî Vakur û Herêmanê Pawitişî yê Medya de hêrişanê dişmenî dewam kerd. Dewleta tirke ya kolonyalîste û rejîmê AKP-MHPyî yê faşîstî reyna kerd ke pê pêro îmkananê xo gerîlayan û estbîyayîşê kurdan çin bikerê. La xêrê xoverdayîş, performans û asta taktîkan ê gerîlayan ra hewesê înan pûç bîyî. Dewleta tirke pêro bazarîyê xo seba ke şerê vera gerîlayan de destek bivîna kerdî. Burokrat, îdarekaranê dewleta faşîste û medyaya şerê taybetî nameyê gerîlayan xo fekî ra kêm nêkerd. Teyna nê çîyî eşkera kenê ke têkoşînê ma yê azadîye senî zor dano dewleta faşîste û rejîmê faşîstî.

Rejîmê AKP-MHPyî yê faşîstî pê ajan, kontra, paramîlîter, asayîş û artêşa xo êlule de vera gerîlayan operasyonan de şuxilnayî. La gerîlayan nê hêrişî pûç kerdî. Amed û Botan de embazanê ma vera bi seyan îşxalkeran, helîkopter û teyarayan bi cesaretî şer kerd û xo ver da. Nê xoverdayîşî serkêşîya Fermandara ma ya çêre Axîne Mûş (Hulya Demîer) de tarîx de cayê xo girewt. Êlule de embazê ma Axîn Mûş (Hulya Demirer), Egîd Berxwedan (Habib Karakoç), Rohat Pasûr (Cihat Ay), Demhat Setkar (Çetin Temel) û Rênas Tolhildan (Ramazan Elîçumuş) şerê fedayîtî ra dima şehîd bîyî.

Dişmenî waranê Herêmanê Pawitişî yê Medya de radaran ra heta jammeran, kamerayan ra heta çekanê otonoman, dûrbînan ra heta telepkopan, topan ra heta wesayîtanê zirxînan û tankan her çi şuxilna. La ancî dişmen Zap de teng bi. Seba ke xo bixelisno û operasyonê îşxalî Girê Amedîyê ra derbazê Metîna bikero 9ê êlule dest pê hêrişanê neweyan kerd. La nê hêrişan kerd ke kişteyê ci bizêdîyê.

Vakur û Herêmanê Pawitişî yê Medya de her roje şerêko giran qewimîyeno û netîceyê nê şerî şarê ma û rayaumûmîye de roje bi roje yenê parekerdene. Belge û dîmenê şerî zî yenê parekerdene. La rixmê nînan zî dewleta tirke raştîyan pare nêkena. Dewleta tirke rixmo ke 150 leşkerê ci ameyê cezakerdene teyna nameyê çend leşkeranê xo dayî. Cenazayê leşkerê bi nameyê Unal Sîpahî Warê Xoverdayîşî yê Zapî de verdaye. Dima ke ma zûrê înan vetî werte hînî dewleta tirke mergê yew leşkerê xo zî eşkera nêkerd. 

Wexto ke merdimî bala xo danê bîlançoya êlule ser vînenê ke artêşa îşxalkere senî bombardumanî kerdê, senî derbî werdê, kişteyî dayê û bivînê ke gerîlayan senî xoverdayîşêko bêhempa kerdê.

Bîlançoya şerî ya menga êlule wina ya:

 

Hêrişê artêşa tirke ya îşxalkere;

Hêrişê bi teyarayanê şerî: 149

Hêrişê bi çekanê kîmyewîyan: 2

Hêrişê bi teqaberanê qedexeyan: 5

Hêrişê bi bombayanê nukleran: 1

 

Embazê ma yê ke şehîd bîyê

5 embazê ma şehîd bîyî

 

Çalakîyê gerîlayan

Çalakîyê pêroyî: 507

Çalakîyê dafike: 1

Çalakîyê sereştişî: 2

Çalakîyê koordîneyî: 5

Çalakîyê hêrişî: 5

Çalakîyê sabotajî: 12

Çalakîyê sekbanîye: 68

Çalakîyê pirodayîşî: 95

Çalakîyê bi çekanê giranan: 319

 

Kişteyê Dişmenî;

Îşxalkerê ke ameyê cezakerdene: 150

Ajan-kontrayê ke ameyê cezakerdene: 1

Îşxalkerê ke birîndar bîyê: 38

 

Hacetê ke ameyê îmhakerdene;

Drone: 2

Bombaeştoxî: 2

Sîstemê kamera yê mobesse: 7

Sîstemê kemera ya mobesse yê termalî: 1

Teqaberê qedexekerdeyî: 1

Çeper: 4

Çeka A4 û çeperê ci: 2

 

Hacetê ke ameyê derbkerdene;

Helîkopterê Skorskyî: 3

Helîkopterê hêrişî: 3

Kepçe: 3

Çeper: 175

Sîstemê teleferîkî: 1

Kamyone: 1

Çeka obusî: 1

Wesayîto zirxîn: 1''