Kurdîstan de hêrişê îşxalî yê dewleta tirke dewam kenê. Bombardumanê dewleta îşxalkere de 9ê tebaxa 2021î de herêma Besta ya waranê Girê Tenûrê, Gêsin û Mergûmarî de gerîla Şoreş Masîro (Îbrahîm Kaya) şehîd bi.

Şoreş Masîroyî verî ke şehîd bi pêvînayîşêkê xo de wina vatbi: ''Serra 2018î de Kato Jîrka de tewrê têgêrayîşî bîya. Nêzdîyê serrêke û nême mi tîya de kar kerd, dima derbazê Besta bîya. Serrêke ra nata Besta de ya. Mîyanê têkoşînê ma de herêma Botanî wayîra cayêkê taybetî ya. Şerî Botan de dest pêkerd û heta nika zî dewam  keno. Şert û mercê xozaya Botanî şinasîyenê. Gerîlayî cade nê cayan musenê. Ez zî lez musaya.

Dişmenî nîsane dest pê hêrişanê taybetan kerd. Gerîlayî bi xurtî cewabê nê operasyonan danê. Dişmen nîsane ra nata hêrişê Herêmanê Pawitişî yê Medya keno la embazê ma derbanê giranan danê dişmenî ro. Dişmeno ke pê xoverdayîşê gerîlayan nêeşkeno şerê psîkolojîkî ano ca.

Ez wazena venga ciwananê Kurdîstanî dana ke kar û çalakîyan de serkewte bê. Ma nînan teqîb kenê. Çalakîyê xurtî yê Înîsîyatîfê Domananê Adirî estê. Ma pê çalakîyanê înan ê serkewteyan şa benê. Nê çalakîyî ganî bêrê xurtkerdene. Wa komelê ma vera ajanîye çalakîyan bikero. Wa şarê ma vera ajanan hayîya xo bibo û pê dişmenî mexapîyo.''