Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke eşkerayîye daye û nê pare kerdî:

''Çarçewa Hemleya Şorişgêre ya Bazanê Zagrosî de 9ê kanûne de Ciloyê Buçukî yê Zapî de vera îşxalkeran çalakîye ameye kerdene. Hêzanê ma eşt di mewzîyan ser. Seba ke artêşa tirka ke Zap de gerîlayan ra derbeyê pîlî werdî leşkeran tersî ra  mewzîyê xo caverdayî û erazî ra vila bîyî. Hêzanê ma cayê grûbeke tesbît kerd û vera ci çalakîya newîye plan kerde. Çarçawe çalakîye de îşxalkerî di hetan ra ameyî pirodayene. Xeymêka îşxalkeran mesafeyo nizdî ra bi çekanê ferdîyan ameye pirodayene, hîrê îşxakerî ameyî cezayakerdene. Qefleyê bînî bi taktîkê suîqastî da piro, tîya zî di îşxalkerî ameyî cezakerdene. Îşxalkerê bînî remayî. Gerîlayanê ma yê profesyonalan ke na çalakîya serkewtîye kerde ra çew/e şehîd nêkewt. Xebere medyaya tirke yê derheqê şehadetê gerîlayan de raşt nîyê.

9ê kanûne de artêşa tirke dewa Girê ya herêma Garê pê teyarayanê şerî da bombayan ver. 10 kanûne de warê Çemço û Sîda yê herêma Zapî pê têyarayanê şerî û hetê qereqolanê xeta sînorî ra ameyî bombardumankerdene.''