Gerîlaya YJA Starî Betule Dîlena ke par Koyê Bagokî yê qezaya Nisêbînî ya Mêrdînî de şehîde bîye bi tewrbîyayîşê bi seyan kesan ameye definkerdene.

Betule Dîlen (Dîcle) 11ê kanûna 2021î de şehîde bîye û Goristanê Bêkesan ê Artulu de ameyebî definkerdene. Cenazaya Dilenê bin şewe nê goristanî ra ameye girewtene û ameye berdene qezaya Gogsî ya Erziromî. Bado ke Camîya Ehmedê Xanî de wecîbeyê dînî ameye caardene cenazaya Dîlene goristanê taxa Ûlicarî de ameye definkerdene. Merasîmê cenaza ke bi seyan kesî tewrê ci bîyî hetê polîsan ra gerîya binê ablûqa. Polîsan dormeyê goristanî zî girewt û destûr nêda dîmenî bêrê girewtene.