Gerîlaya YJA-Starî Armance Devrîm bi wesîleya serrgêra ronayîşê PKKyî ANFyî rê qisey kerd.

Armance Devrîm ard ziwan ke pê ronîyayîşê PKKyî raştîya şaran ê bindest û kolonîkerdeyan werte ra wedarîyaya û vat: ''Hînî kurdî pê estbîyayîşê xo şinasîyenê. Semedo ke rayberîya înan çinbî serewedaritişê bînî yê kurdan ser nêkewtbî. La PKKyî na raştîye vurnaye. Sey cinîyêke mi xo mîyanê PKKyî de şinasna. Ma sey cinîyanê PKKyî tim têkoşînê azadîye da û ma do bidê. Ewro şert û îmkanê şorişî verê ma de amade yê. Ma wayîrê paradîgma, Rayberîye û felsefeya xo yê. Sey şerwananê PKKyî ma soz danê ke xeyalê şorişî yê şehîdan bîyarê ca.

Hêrişê kîmyewî yê vera Herêmanê Pawitişî yê Medya do pê xoverdayîşê gerîlayan bêrê şiknayene. Wa şarê ma nê prosesî de pê çalakîyanê xo wayîrê gerîlayan vejîyo, perwerîya xo bimojno. Wa şarê ma rejîmê AKP-MHPyî qebul nêkero. Şarê ma wa xopawitişî bîyaro ca û pê hişmendî û çalakîyanê xo polîtîkayanê dişmenî pûç bikero.''