Gerîlayanê HPGyî ra Dîyako Kemangerî bi wesîleya rojbîyayîşê Rayberê Şarê Kurdî Abdullah Ocalanî ANFyî rê qisey kerd.

Kemangerî vat: ''Ma rojbîyayîşê 74. yê Rayber Apoyî şehîdan rê, şarê kurdî rê û şaranê Mezopoyamya rê fîraz kenê. Rojbîyayîşê Rayberîye rojbîyayîşê Kurdîstanî yo. Ma di serrî yo Rayberîye ra xeberêke nêgênê. Tecrîdêko giran est o. Têkoşînê gerîlayan û şarî do bi azadîya Rayberîye netîce bido.

Îqtîdar bi tecrîdê Îmraliyî xîret keno ke estbîyayîşê xo rê dewam bikero la no do bibo peynîya îqtîdarî. Azadîya Kurdîstanî girêdayeyê azadîya Rayberîye yo. Ma bi pêro hêzê xo vera her tewirê teknîkî şer kenê. Ma soz danê ke têkoşînî bi azadîya Rayberîye tacîdar bikerê.''