Gerîlayê HPGyî Qendîl Kureyşano ke Herêmanê Pawitişî yê Medya de refanê şerî de cagêno, ANFyî rê qalê xoverdayîşê gerîlayan kerd.

Kureyşanî dîyar krd ke dewleta tirke û îqtîdarê AKP-MHPyî wazenê pêro heqanê kurdan çin bikerê û vat: ''Kurdî ewro eşkenê artêşa NATOyî ya tewr pîle şer bikerê. Sey gerîlayan ma vera ê hezanê ke wayîrê teknîk û teknolojî yê şer kenê û înan bin visnenê. Tecrubeyê ma yê şerî pîl ê ke pêro teknolojîyan ra girîng ê. 

Xoverdayîş û têkoşînê gerîlayan asan nîyo. Seba ney bawerî û qerardarîyêka pîle lazim ê. Gerîlayî bi çalakî û taktîkanê afernayoxan têgêrenê. Dişmen vera ma çekanê kîmyewî û qedexekerdeyan şuxilneno. La dewleta tirke do nêeşka îradeyê ma bişikna. Dewleta tirke kurdanê xayînan de hemkarîye bikera zî NATOyî ra paştî bigêra zî do pê gerîlayan nêeşka.''