Gerîlaya YJA Starî Cûdî Çekdar dîyar kerd ke dewleta tirke hêrîşanê xo yê bi çekanê kîmyewîyan dewam kena û vat, ‘‘Wa dost û dişmen bizanê ke wayîrê nê koyan gerîla yê. Ma do qetîye fek koyanê xo ra nêverdê.’’
Gerîlaya YJA Starî Cûdî Çekdar derheqê hêrîşanê bi çekanê kîmyewîyan û tecrîdkerdişê Rayberê Şarê Kurdî Abdullah Ocalanî de qisey kerd.
Cûdî ard ziwan ke nê 22 aşmî yê ke Rayberê Şarê Kurdî ra xeberêke nêyena girewtene û vat, ‘‘Sey Gerîlayanê Azadîye yê Kurdîstanî vera tecrîdê Rayber Apoyî gere ma çalakîyanê hîna xurtan bikerê. Ma do heta peynîye vera hêrîşanê dewlete xover bidê. Dewleta tirke 3 rojan de 150 rey bi çekanê kîmyewîyan hêrîşê tunelanê şerî yê Şehîd Botanî kerd. Wa dost û dişmen bizanê ke wayîrê nê koyan gerîla yê. Ma do qetîye fek koyanê xo ra nêverdê. Çunke nê koyî dîyarîyê Rayberê ma yê, mîrasê şehîdanê ma yê.’’
Gerîlaya YJA Starî Cûdî Çekdar derheqê serewedartişê Îran û Rojhelatî de zî qisey kerd û vat, ‘‘Îran û Rojhelatî de no demêk o ke serewedartişêk est o û demêkê derg o ke bîyo rojeve. Hêz û moral dano ma. Ma do heyfê Jîna Emînî û hemrayanê xo teqez bigîrê.’’
