Merkezê Îrtîbatî û Çapemenîye yê HPGyî derheqê hêrişê artêşa tirke û çalakîyanê gerîlayan de eşkerayîya nuştekîye daye.

Eşkerayîya HPGyî wina ya:

''Operayonê îşxalî yo ke artêşa tirke 23ê nîsane ya 2021î de vera herêmanê Metîna, Avaşîn û Zapî yê Herêmanê Pawitişî yê Medya da despêkerdene dewam keno.  Destpêkerdişê operasyonî ra gerîlayî bi ruhê fedayîyî xover danê.  Hêzanê ma yê gerîlayan vera hêrişê îşxalî waranê Avaşîn û Zapî de Hemleya Şorişgêre ya Bazanê Zagrosî''  daye destpêkerdene. Çarçewa hemle de derbê giranî dîyayî îşxalkeran ro.  Detayê çalakîyanê hêzanê ma winayê;

''24ê nîsane de saetanê mabênê 09.00-12.30 de artêşa tirke Qilê Mamreşoyî yê Avaşînî de cehd kerd ke bikewo mewzî û tunelanê şerî yê hêzanê ma. Hêzanê ma vera înan çalakîye bitesîrî kerdî. Îşxalkeranê ke derbê giranî werdî çar reyî mecbur mendî ke peyser agêrê.

Eynî roje saete 12.30 de leşkerê artêşa tirka yê ke serê tunelanê hêzanê ma de ameyî têhet bi çalakîya sabotajî di reyî ameyî hedefgirewtene. Nê wird çalakîyan de tewr tay 9 îşxalkerî ameyî cezakerdene. Îşxalkerê ke nêeşkenê aver şirê pê kutukêkî kamera şawit tunelî. Hêzanê ma dest na kamare ser. Saete 15.30 de îşxalkerê ke ver bi tunelê şerî şîyî hetê hêzanê ma ra bi taktîkê sabotajî ameyî pirodayene. Dima ra mesafeyo nêzdî da bitesîr ameyî pirodayene. Na çalakîye de hûmara merde û birîndaranê dişmenî zelal nêebîye.

Saete 18.00 îşxalkerî hetê hêzanê ma ra bi çalakîya sabotajî hedef ameyî girewtene. Na çalakîye de îşxalkerêk ame cezakerdene. Îşxalkerî ke peyser agêrayî mesafeyo nîzdî ra ameyî pirodayene. Tîya hûmara merde û birîndaranê dişmenî zelal nêebîye. Saaete 21.30 de bi teyaranê şerî bombarduman ame kerdene û dima ra îşxalkeran reyna waşt ke bikewê tunelê şerî. Hêzanê ma reyna da îşxalkeran ro û îşxalkeranê ke derbê pîlî werdî reyna peyser agêrayî.

Îşxalkeranê ke Qilê Mamreşoyî de derbê pîlî werdî metodê teberê merdimîye vistî dewre ke waştişê xo bîyarê ca. Îşxalkeran vera mewzî û tunelanê şerî ke nêeşkayî bikewê de gazê axuyinî şuxulnayî. Rixmê nê metodanê leyminan nêeşkayî bikewê tunelanê hêzanê ma.

23ê nîsane de artêşa tirke warê Mervanosî û Qilê Şehîd Serdarî yê Avaşînî de pê helîkopteran leşkerê xo ca kerdî. 24ê nîsane saete 14:00 de  îşxalkerê  waşt ke bikewê tunelanê şerî hetê hêzanê ma ra ameyî pirodayene. Îşxalkerî seba ke nêeşkeya aver şirê saete 14:40 de çar reyî gazê axuyinî eştî mewzîyan. Saete 17:30  îşxalkerê ke mewzîyanê şerî rê bîyî nizdî hetê hêzanêma ra hîrê reyî bi taktîkê dabotajî û mesafeyo nizdî ra bi çekanê ferdî ameyî pirodayene. Îşxakerê ke peyser agêrayî hûmara merde û birîndaranê înan nêameye tesbîtkerdene.Eynî roje saete 09:30 de hêzanê ma yê YJA Starî çarçewa ''Hemleya Şorişgêre ya Bazanê Zagrosî'' Qilê Şehîd Serdarî de da dişmenî ro. hûmara merde û birîndaranê înan nêameye tesbîtkerdene.

Operayonê artêşa tirke yo ke 24ê nîsane de saetanê nêmroje de vera waranê Şukê, Qilê Şehîde Zêrine, Qilê Şehîd Bêkesî û Qilê Piramîtî yê Avaşanî ame destpêkerdene, dewam keno.  24ê nîsan ede saetanê şanî ra heta saetanê serê sibayî yê 25ê nîsane warê Mamreşo, Aris-Faris, Kartal, Mervanosî û Qilê Şehîd Serhadî bi teyranê şerî û helîkopteranê kobrayan ameyî bombardumankerdene. Artêşa tirke warê Mamreşo û Qilê Şehîd Serdarî de hêzê xo newe ra takvîye kerdî.

24ê nîsane de saete 08:30 de Nerwê ya herêma Zapî de vera îşxalkeran çalakîye ameye kerdene. Reyna warê Qele Bedewê  û Qilê Şehîd Harûnî de îşxalkerî ameyî pirodayene. Nê çalakîyan de hûmara merde û birîndaranê îşxalkeran nêameye tesbîtkerdene. Saetanê veraşanî de Ciloyê Qijî de îşxalkerî ameyî pirodayene îşxalkerêk ame cezakerdene û xeylêk zî birîndar bîyî.

24ê nîsane de Hêzanê Pawitişî yê Hewayî yê Şehîde Delale Qilê Zendûra  yê herêma Metîna de vera  leşkeranê îşxalkeran ê artêşa tirke çalakîyêke serkewtîye kerde. 25ê nîsane saetanê serê sibayî de artêşa tirke mabênê Qilê Zendûra  û warê Elemunî de erazî de leşkerê xo ca kerdî, war de têgêrayîşê helîkopteran dewam keno.

Artêşa tirke 24ê nîsane de saetanê nêmroje de Qilê Hakkarî yê Metîna, saetanê şanî de zî Qilê Zendûra yê Metîna û saetanê şewe de  Qilê Zendûra û Qilê Koordîne, warê Derararê teyaranê şerî û helîkopteran  bombarduman kerdî. Reyna Qilê Amedîye û dormeyê dewa Bazê yê Kanîmasîyî pê teyarayanê şerî ameyî bombardumankerdene.  Reyna eynî şewe warê Gundê Bêpalan û Dola Bedrana yê Qendîlî û warê Goşînê yê Xakurkê û û warê Sîda û Kunişka yê Zapî hetê teyarayanê şerî ra ameyî pirodayene.''