Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê parî kerdî:

''25ê teşrîna peyêne de Girê Kartalî yê herêma Bektorya yê Heftanînî de hêzanê ma yê YJA Starî çarçewa Hemleya 'Vera qirkerdişê cinîyan wextê pawitişê cinîya azade û komelî yo' ya KJKyî de çalakîya sabotajî kerde. Netîceya çalakîye de îşxalkerêk ame kiştene. Di îşxalkerî zî birîndar bîyî. Badê çalakîyî helîkopterê ke waşt herême bombarduman bikero hetê hêzanê ma ra ame pirodayene û mecbur mend  ke warî  ra vejîyo.

26ê teşrîna peyêne de çarçewa Hemleya Şorişgêre ya Cengê Xebûrî de Girê Koordîne yê herêma Pîrbila de îşxalkerî bi çekanê giranan ameyî pirodayene. Eynî roje çarçewa Hemleya Şorişgêre ya Bazanê Zagrosî de Girê Koordîne yê qezaya Çelê ya Colemêrgî de îşxalkerî hetê hêzanê ma ra pê çekanê giranan ameyî pirodayene. Hedefê ke ameyî bewlîkerdene biîsabetî ameyî pirodayene. Nê çalakîyî semedê selamkerdişê serrgêra ronayîşê PKKyî ameyî kerdene.

23ê teşrîna peyêne de artêşa tirke xeta Qaşûra, Girê Azadî, Boxaza Girê, Kela Qumrîyê û warê Koordîne yê herêma Metîna û dormeyê dewanê Êdinê, Dêşîşê, Serarû yê Kanî Masî yê Amediye de operasyon da destpêkerdene. No operasyonê 25ê teşrîna peyêne de destveng peyser ancîya. Mabênê 24 û 27ê teşrîna peyêne de warê Çemço û Rênçbiraxa yê herêma Zapî hetê qereqolê sînorî ra pê obusan dîyayî bombayan ver.''