Merkezê Îrtîbatî û Çapemenîye yê HPGyî bi eşkerayîyêke da zanayene ke gerîlayan bi wesîleya serrgêra 45. ya ronîyayîşê PKKyî Warê Xoverdayîşî yê Girê Amedîyê de operasyono şorişgêr kerdo û tewr tay 49 îşxalkerî ceza kerdê.

Eşkerayîye de wina ame vatene:

''Gerîlayî serrgêra 45. ya ronîyayîşê PKKyî bi ruhê serkewtişî yê Egîd û Zîlanan, bi perwerîya Rayberîye û xeta şehîdan de pêşwazî kenê. Hêzê ma bi operasyonêkê şorişgêrî yê hîrayî dekewtî serra 46. ya ronîyayîşê partîya ma. Hêzanê ma 20ê teşrîna peyêne de derbê giranî dayî dişmenî ro. No operasyono şorişgêr seba selamkerdişê Hemleya Azadîya Seba Rayberîye û serra 46. ya PKKyî ame kerdene.

Hêzanê ma 20ê teşrîna peyêne de saete 07.20 de operasyonêko hîra kerd. Operasyon de embazê ma bi ruhê embazanê ma yê fedayîyan Rojhat Zîlan û Erdal Şahînî şer kerd. Ame qetîkerdene ke operasyon de 49 îşxalkerî ameyî cezakerdene, 21 xeymî û 12 mewzîyî ameyî îmhakerdene. Operasyon de embazê ma yê serkêşî Ciwan û Andok zî bi fedayîtî şehîd bîyî.

Operasyonê Şehîd Cesurî

Embazanê ma bi taktîkanê dekewtişî û hêrişî da hedefan ro. Tîya de 3 mewzîyî û 8 xeymî ameyî îmhakerdene û 9 îşxalkerî ameyî cezakerdene. Dima îşxalkerî ancî ameyî pirodayene û 2 mewzîyî ameyî îmhakerdene. Tîya de embazê ma Ciwano ke fermandarîyana baska operasyonî kerdêne şehîd bi.

Operasyonê Şehîde Cemre

Hêzanê ma di baskan ra da dişmenî ro. Embazê ma dekewtî xeym û mewzîyanê dişmenî. Tîya de 25 îşxalkerî ameyî cezakerdene, 8 xeymî û 5 mewzîyî ameyî îmhakerdene. 5 xeymî zî ameyî derbkerdene. Embazê ma Andoko ke fermandarîya na baska operasyonî kerdêne şehîd bi.

Operasyonê Şehîd Pîrdoganî

Şîdet Pîrdogan de zî dişmen hîrê baskan ra ame pirodayene. Baska yewine 4 îşxalkerî ceza kerdî û 2 mewzîyî îmha kerdî. Baska diyîne û hîrêyîne zî mesafeyêka nêzdîye ra da dişmenî ro. 20 deqayan pêkewtişê giranî qewimîyayî, 11 îşxalkerî ameyî cezakerdene.

Heman wextî de Warê Komandoyan û Warê Xoverdayîşî yê Girê Hekarî de îşxalkerî pê çekanê giranan ameyî pirodayene.''