Gerîlayanê azadîye yê Kurdîstanî 4ê Nîsane fîraz kerd
Rojbîyayîşo 74. yê Rayberê Şarê Kurdî Abdullah Ocalanî hetê gerîlayanê HPG û YJA-Starî ra bi hêvîya ameyoxêkê azadî ame fîrazkerdene.
Sey xeylêk herêmanê Kurdîstanî û dinya, waranê gerîlayan de zî 4ê Nîsane rojbîyayîşê Rayberê Şarê Kurdî Abdullah Ocalanî bi coşî ame fîrazkerdene.
Gerîlayanê azadîye yê Kurdîstanî wextê çalakîye de hîs û fikrê xo ardî ziwan û dîyar kerd ke ê qerardar ê ke 2023yî bikerê serra azadîya Rayberê Şarê Kurdî.
Gerîlayan bi hêvîya azadîya fîzîkî ya Rayberê Şarê Kurdî û ameyoxêkê azadî leyî nayî ro. Gerîlayan sloganê sey ''Bijî Serok Apo", "Jin, Jiyan, Azadî" vatî û govende girewte.
