Gerîlayanê HPG’yî yê Sêrtijan derheqê weçînayîşê cayîyan ê nê Yewşemeyî de qisey kerd û venga Şarê Sêrtî da ke wa îradeyê xo rê wayîr bivejîyo.

Gerîlayê HPG’yî Egîdî ard ziwan ke Erdogan bi paketêk çaye nêeşkeno şarê Sêrtî bixapno û vat, “Sêrt welatê Kurdan o. Sêrt Xerzan û Botan o. Sêrt welatê dewleta Tirkî nîyo. Seba naye zî Sêrtî her dem rol û mîsyonê xo bica ardo. Ganî şarê Sêrtî nê weçînayîşî de Erdoganî ra bivajo ke ma Kurd ê û ma îradeyê xo rê wayîr vejênê. Sêrt 15’ê Tebaxa 1984’î ra nata mîyanê Têgêrayîşê Azadîye de yo û bi seyan şehîdî dayî.

Ê xespkarî reya bîne hêzê şarî do bivînê

Gerîlayê HPG’yî Cîger bi pîrozkerdişê Newroza Rayberê Şarê Kurdî Abdullah Ocalanî û dayîkanê şehîdan dest bi qiseykerdişê xo kerd. Gerîlayê HPG’ê Cîgerî vat ke, “Şarê ma do emser faşîzmî birijno. Her raye do biba rijnayîş û çinbîyayîşê îşxalkaran. Dewleta îşxalkare bi heme hêzê xo hêrişê şarî û huner û ziwanê şarî kena. Şerwananê xoverdayoxan ê Xerzan û Botanî heme hêrişê dewleta Tirkî pûç kerdî.

Ez vengdayîş bi şarê Şêrwan, Sêrt, Dihê û Berwarî kena, îradeyê xo rê wayîr bivejîyê. Xespkarî na reya bîne hêzê şarê Botan û Xerzanî bivînê. Ez bawer kena ke şarê Sêrtî do peynîya îşxalkarîya Erdogan û Bahçelî bîyaro. Ma zanê ke şarê Sêrtî do xoverdayîşî rê wayîr bivejîyo û azadîya Kurdistanî timin bikero. Ma reyna vanê, roje roja wayîrvejîyayîşê azadîye ya.“