Gerîlayê HPGyî Argeş Amedo de hemleya Bazanê Zagorsî de ca geno detayê şerî ANFyî erjnayî. Argeş Amedî raştîya artêşa tirke û xoverdayîşo destankî yê gerîlayan wina erjna:

''Ez sey şervanêkê azadîye sereberz a ke mîyanê nê şerî de ca gena. Wa no bêro zanayene ke şerê vera Herêmanê Pawitişî yê Medya têna şerê dewleta tirke nîyo, heme hêzê hegemonî peyê paştîya ci de. Vera gerîlayan çekê qedexeyî yenê şuxulnayene. Vera nê çekan îradeyêko xurt est o. Dewleta tirke vera îradeyê gerîlayan, binkewte. Coka çekanê kîmyewîya şuxulnena ke ser bikewo. Têna çar rojanê peyênan de mewzîyê şerî yê Şehîd Botanî bi seyan ra bi gazanê kîmyewîyan û teqaberan ameyî bobmardumankerdene.

Rixmo ke şuxulnayîşê çekanê qedexeyan hetê gerîlayan ra ame belgekerdene zî  Rêxistina Qedexekerdişê Çekanê Kîmyayîyan (OPCW) çîyêk nêkerd. Çunke nê hêrişî bi hemkarîya welatanê mîyannetweyî yenê kerdene.  Xoverdayîşê gerîlayan do tim dewam bikero. Dewleta tirke kena ke pê teknîkê xo waranê gerîlayan bîgêro bine kontrolî la a bi xo zana ke nêeşekena çîyo winayên bikero. Her çiqas medyaya tirkan binimno zî cenazayê ke şinê Tirkîya yenê zanayene. Artêşa faşîste ya tirkî vera gerîlayan binkewta. Çunke gerîlayî zerrîya safî ra şer kenê. Ma deyndarê şehîdanê xo yê, ma do têkoşînê înan biresnê serkewtişî. Semedê nê ma do heta dalpaya peyên a gonîya xo şer bikerê.''