Gerîlayê HPGyî Andok Amedî bi wesîleya serrgêra 44. ya ronayîşê PKKyî ANFyî rê qisey kerd.

Gerîla Andok Amedî vat: ''Dewleta tirke bi armancê qedînayîşê gerîlayan hêrişê gerîlayan, şarê ma û Rayberîya ma kena. Rejîmê AKP-MHPyî do nêeşko gerîlayan çin bikero. No Zagrosan de amebi îsbatkerdene. Faşîzm gerîlayan ra terseno.

PKKyî hêvî, bawerî, perwerîye musnayî ma, mîyanê kurdan de hêvîye awan kerde. Ma qey pêro merdimîye şer kenê. Gerîlayî pê ruhê PKKyî têkoşîn kenê û qet yew hêz nêeşkeno gerîlayan çin bikero. Ma do bi ruhê PKKyî ma do dişmenî çin bikerê.Ma nika prosesêkê krîtîkî ra derbaz benê. Wa pêro ciwanî mîyanê na dewa de ca bigêrê. Wa ciwanê Vakurî bêrê tewrê gerîlayan binê.''