Gerîlayê HPGyî Devrîm Garzano ke 2022 de tewrê Hemleya Bazanê Zagrosî  ya ke Gerîlayanê Azadîye yê Kurdîstanî vera hêrişanê îşxalî yê dewleta tirke daye destpêkerdene, bi, qala têkoşînê tarîxî yê tunelanê şerî kerde.

Devrîm Garzanî wina vat: ''Roja verêne badê têgêrayîşê helîkopteran ke herême de leşkerî ca kerdêne, ma fam kerd ke  îşxalkerî do bidê Tunelanê Şerî yê Şehîd Têkoşerî ro. Rixmo ke îmkanê kêm bî, embazan pê çekanê giranan derbe daye înan ro. Ekîba 12 kesan pîya bi kutikan ver bi tunelan amêyene. Zere de xora embazan ê pawitêne. Embazanê bînan zî mewzîyan de ê teqîp kerdêne. Mabêna ma » dişmenî de 50 metre mesafe estbi. Nuqtayanê nêzdîyan de zî leşkeran xo cakerdbi. Waştişê înan o bi ke demo kilm de bêrê fekê tunelî de teqeberan biteqnê.

Ma destur da ke wa heta mabênê ber û penra bêrê, gama ke înan kerd ke bêrê zere, ma pê çekanê ferdîyan û bombayanê destî da piro.  Ûca 3 leşkerê tirkî merdî, 2 leşkerî zî birîndar bîyî.  Seba ke pêkewtişê giranî qewimîyayênî, ma nêeşkayê şirê birîndaranê înan ser.  Xora wird birîndarî zî dima ra merdî. Merdeyê înan heta saetanê şanî binê kotrolê ma de bî, çew nêame nêgirewtî. Saetanê şewe de gama ke pêkewtişî bîyî giran, ma zî ancîayî nuqtayanê biasayîşî.  Pêkewtişan heta serê sibayî dewam kerd. Embazanê erazî çend rey têdima da piro.  Heme çalakî û pêkewtişan de 26 leşkerî merdî, 30 leşkerî zî birîndar bîyî. Badê derbaya girane dişmen têna eşka nuqtayêke de bimano. Naye ser o tim dûrî ra hêrişê berê tunelî kerd.''

Gerîlayê HPGyî  Devrîm Garzanî wina dewam kerd. Dişmen di hewteyî nêzdîyê tunelê şerî nêbi. Dima ra reyna cehd kerd ke hêriş bikero la raştê çalakîyanê gerîlayanê erazî ame. Naye ser o dest pê hêrişê hewayî kerd. Vengê leşkeran ameyêne ma, ê tersayêne û hinî eciz bibî. Şaş bibî mendî bî, nêzanayêne se bikerê. Dişmenî destî de her qeyde îmkan û teknîk bibo zî, nêeşkeno îradeyê zixmî yê gerîlayan bişikino. Dişmenî çend hêriş kerdêne, embazan zafêr bi ruhê fedayîyî şiyênî dişmenî ser.  Xora dişmenî her cayo ke hêriş kerd de kewt tengayîya girde. Zanîyê ci şikîyaybî, nê eşkeyêno têbigêro. Ne teknolojî ne metodê înan ê wehşîyî nêeşkayê îradeyê ma bişikinê.''