Merkezê Îrtîbatî û Çapemenîye yê HPGyî derheqê şehdatê 2 gerîlayan de eşkerayîyêka nuştekîye daye û nê zanayîşî pare kerdî.

''2ê êlule de mabênê hêzanê ma û artêşa tirke de Deşta Silopya ya Şirnexî de pêkewtişî qewimîyayî. Nê pêkewtişan de xeylêk îşxalkerî ameyî cazakerdene. Embazê ma  Gelî Berîtan (Kemal Selimi) û Canşêr Fedakar (Osman Salçuk) ê ke heta guleyê xo yê peyênî bi hawayêkê qehremankî şer kerd şehîd bîyî.

Zanayîşê nasnameyanê embazanê ma yê şehîdan wina yê:

Nameyê Qodî: Gelî Bêrîtan Name û Peyname: Kemal Selimî Cayê Bîyayîşî: Selmas Maye-Pî: Şehrate - Şemsettîn Tarîx û Cayê Şehadetî: 2ê Êlula 2020î / Silopî

Nameyê Qodî: Canşêr Fedakar Name û Peyname: Osman Salçûk Cayê Bîyayîşî: Şirnex Maye-Pî: Zehra - Hacî Tarîx û Cayê Şehadetî: 2ê Êlula 2020î / Silopî

Hemrayê ma Gelîyo ke bajarê Salmasî yê Rojhelatê Kurdîstanî de ameyo dinya kultur û ercanê xo rê giredaye bi pîl. Hema serranê xo yê qijan de vera hêzanê îşxalker û faşîstan têkoşîn kerd û serra 2018î de semedê xelisnayîşê Kurdîstanî tewrê sefanê gerîlayan bi. Hemrayê ma Geliyo ke eşîrê Şikakî yo ke bi karekterê xo yê xoverdayoxî yeno zanayene ra yo bi eynî ruhê xoverdayoxî û felsefeya Rayber Apoyî xo wexto kilm de resna û kerd gerîyayêko serkewte. Xeylêk wextî Zagrosan de xoverdayîşê vera îşxalkeran de ca girewt û dima verê xo da Vakurê Kurdîstanî.

Hemrayê ma Canşêr Cîzîra ke pê xoverdayîş û welatperîya xo yena zanayene de ameyo dinya û mîyanê xoverdayîşê şarî de bi pîl. Hemra Canêrî ke caardişanê nîjaperestan ê dewlete rê nizdî ra bi şahîd û vera îşxalî verê xo da koyanê Kurdîstanî û bi felsefeya Rayber Apoyî xo aver berd û bi gerîlayê dewrî. Roja tewrbîyayîşa ra heta hela peyêne seba ke dişmenî ra hesabî biperso xîret kerd.

Ma sere de keyeyanê erjîyayeyan ê embazanê xo rê, pêro şarê welatperwerî yê Kurdîstanî rê serweşîye wazenê. Ma soz danê ke do xeyal û waştişê embazanê xo bi serkewtişî tacîdar bikerê.''