Gerîlayê HPGyî Mîrxas Beytuşebab (Nevzad Durmuş) cewab da îdîaya ke dewleta tirke vana 'o û tay embazê ci kişîyayîşî.'

Mîrxas Beytuşebabî da zanayene ke o 1986 de keyeyêkê welatperwerî de dadîya xo ra bîyo û çend serrî yo Başûrê Kurdîstanî de têkoşîn keno.

Mîrxas Beytuşebabî pare kerd ke dewleta tirke Heftanîn, Zap û Avaşîn de şerê qirkerdişî kena û vat: ''Dewleta tirke nêeşkena netîce bigêra. Coka vera keyeyan û şarê ma şerê psîkolojîkî kena. MÎTî çend rojî verî tay xeberî servîs kerdî ke goreyê nê xeberan ez û tay embazê mi kişîyayê. No raşt nîyo. Dewleta tirke pê şerê psîkolojîkî kena ke şarê ma bixapîna. Ma weş û war ê, serê wezîfeyê xo de yê û warê xo de yê. Ma do qetî mewzîyanê xo meteriknê û têkoşînê xo rê dewam bikerê.

Ma do heta peynî meverdê ke artêşa tirke ya îşxalkere debikewa erdê ma. Wa şarê ma yo welatperwer qetî goş medo zûranê înan, wurze payan ser. Bi taybetî wa ciwanê Botan û Betuşebabî mebê hacetê kayanê dişmenî. 

Ez venga pêro hemkaranê dewleta tirke kena ke ajanîye ra fek vera bidê. Heta ke Rayber Apo azad bibo ma do têkoşînê xo rê dewam bikerê.''