Gerîlayê Yewinanê Rojhelatê Kurdîstanî (YRK)  Qendîl Îtîqamî 4ê Nîsane rojbîyayîşê Rayberê Şarê Kurdî Abdullah Ocalanî pîroz kerd û veng da ke wa vera tecrîdî têkoşîn bêro xurtkerdene.

Gerîlayê YRKyî vist vîrî ke Abdullah Ocalan dewro ke raştîya kurdî ameye vîrakerdene ameyo dinya û vat: ''Ewro dewaya Rayberîye sînorê Kurdîstanî ravîyarte û heme dinya ra vila bîye. Her hetê Kurdîstan û dinya ra şarî wayîrê Rayber Apoyî vejîyenê ke no wezîfeyêko merdimî yo. Gerek wayîrvejîyayîşê Rayberîye bêro xurtkerdene. Sere de ciwanî, gerek şarê ma vera dewletanê kapîtalîstan tewir bigêro.  Şexsê Rayber Apoyî de heme şarî rê tecrîd yeno caardene. Gerek vera tecrîdî tewiro raşt bêro girewtene û na çarçewe de têkoşîn bêro xurtkerdene.''