6ê gulana 2019î de Kuçeyê Hunerî yê Wanî de bi armancê paştdayîşê grevê vêşanîye yê vera tecrîdî eşkerayîyêke amebî dayene. Eşkerayîye de rojnameger Oktay Candemîr, Onder Sogukbulak, Serdar Çevîk, Omer Ertaş û Mahmût Dîndar hetê polîsan ra ameybî derbkerdene û destbendkerdene.

5 kesan gerreyê polîsan kerdbi. Derheqê gerreyê polîsan de bira bêteqîbî dîyaye. Derheqê 5 kesan de zî bi sûcdarîya 'xopawitişî' derheqê înan de dewa amebî akerdene.

Roniştişo verên ê dewa Mehkemeya Cezaya Eslî ya Wanî de ame kerdene. Polîsî tewrê mehkeme nêbîyî. 5 kesê derbekerdeyî û avûkatê înan tewrê roniştişî bîyî. 5 kesan raporê derbe da mehkeme û beraatê xo waşt.

Heyetê mehkeme roniştiş taloqê 31ê kanûne kerd.