Nêrazîbîyayîşê vera PDKyî dewam kenê.  Cinîyan ê kurdan semedê yewîya neteweyîye veng da.

Înîsîyatîfê Mayanê Haştîye yê Riha ra Hadle Ugur derheqê mesele de qisey kerd û vat: ''Ganî kurdî qîmetê yewbînan bizanê. Ganî Barzanî gamanê musbetan bierzo. PDK şarê Mexmûrî rê neheqîye keno, înan rê ambargo keno. Ma nêwazenê kurdî yewbînan rê zulm bikerê. Pêro dinya wazena wa kurdî bibê koleyê înan. Ma heta nika no qebul nêkerd. Naye ra pey zî ma do qebul nêkerê. Seba ke ma bihêz bibê hewceyê ma pê yewîya neteweyîye esto. Wa gonîya wayûbirayanê xo merijnê bala xo bidê caardişê yewîya neteweyîye.'' 

Îdarekara MEBYA-DERî Meryeme Soylu zî venga PDKyî da û vat: ''Wa pê kayanê dewleta tirke mexapîyê. Şerê birakujî fayde nêdano ma. Dewleta tirke qet nêbîya dosta kurdan. Ê wazenê kurdan çin bikerê. Wa ganî her kes naye bizano. Wa Barzanî xo ra bişermo û nêbo sebebê birakujî. Kamî Seyîd Riza û Şêx Seîd darde kerdî? Dewlete kerd. Eke Barzanî vera kurdan şer bikero  mabênê ey û zorbazan de ferqêk nêmaneo. Dînê ma qedexe kerdo ke çew way û birayê xo bikişo. Eke ma yewîya neteweyîye bîyarê ca çew nêeşkeno yewîya ma bixeripno. Ma 4 parçeyanê Kurdîstanî de zî yewîye wazenê.''