Partîya Şaran a Demokratîke (HDP), seba derheqê operasyono ke hemverê dewanê Banadêran, Merdînya, Koçeran, Dengilava û Tûtê  ameyo viraştene de hayîdarîyan bigêro û qewimîyayîşanê  dewijan ser o guleyî ameyê varnayene û hêgayê dewijan ameyê vêşnayene zelal bikero heyetêk şirawit qeza.

Heyeto ke tede parlementera HDP’yî ya Amedî Remzîye Tosûne û hemserekê HDP’yî yê bajarê Amedî Zeyyat Ceylan zî ca girewt, ewro saetanê sibayî de şi Licê. Heyetî qeza de pêvînayîşî kerdî. Ame zanayene ke heyet do şiro dewa Tûtê ya ke gama Mehmet Kapanî û lajê ci Mehmet Alî Kapanî waştibi adirê hêgayî bitefênê ameybî destbendkerdene.