Merkezê Îrtîbatî û Çapemenîye yê HPGyî derheqê çalakîyanê gerîlayan ê Heftanînî û hêrişê artêşa tirke de zanayîş da.

HPGyî derheqê çalakîyanê ke çarçewa Hemleya Şorişgêre ya Cengê Heftanînî ya ke vera hêrişê îşxalî yê îqtîdarê faşîstî yê tirkan yena rayraberdene de, nê vatî:

''10ê teşrîna peyêne de îşxalkerê ke Qilê Xaçî yê warê Xantûrî yê Heftanînî de ameybî cakerdene hetê hêzanê ma ra ameyî pirodayene. Mewzîyêk pîya bi îşxalkeranê ke tede bî hedef ame girewtene. Çalakîye de 2 îşxalkerî ameyî cazakerdene. Reyna eynî roje Qilê Îndîrme yê Xantûrî de vera artêşa tirke çalakîya sûîqestî ameye kerdene, îşxalkerêk ame cezakerdene.

Badê nê wird çalakîyan artêşa tirke dormeyê waranê çalakîyan bi çekanê giranan bombarduman kerd.''

Eşkerayîye de derheqê hêrişanê artêşa tirke de zî nê ameyî parekerdene: ''Teyareyanê şerî yê tirkî Hêramanê Pawitişî yê Medya ser o bombayî varnayî. 7ê teşrîna peyêne de dormayê dewa Şêhê ya herêma Garê, 8ê aşme de dormeyê dewa Lewcê ya herêma Qendîlî û 9ê aşme de zî warê Kolîtî yê Xakurê ameyî bombardumankerdene. Nê hêrişan de vînîbîyayeyê ma çîn ê.''