Endama Komîteya Merkezî ya PKKyî Hêlîne Umît serebûtê sîyasî yê rojdemê Kurdîstanî, polîtîkayê gemarinî yê dewleta tirke ANFyî rê ercnayî.

Qiseykerdişê Hêlîne Umît bi kilmî wina yo:
''Ez serrgêra 44. ya ronayîşê PKKyî fîraz kena. PKKyî ronayîşê xo ra nata bi seyan serkewtişî ardî ca.Serrgêra 44. de Hemleya Wextê Azadîye reyde têkoşînê PKKyî qetî do ser bikewo. PKKyî 27ê teşrîna peyêne ya 1978î de ronîya. PKK nika bi hezaran şehîdan reyde bîyo têgêrayîşêkê şarî. PKK hêzê xo şehîdan ra gêno. Coka ez şexsê embaz Cumalî Çorumî de pêro şehîdanê PKKyî bi rêzdarî yad kena. Embaz Cumalî wayîrê kesayetê Kemal Pîrî bi, o xeylêk çêr bi û pê bawerîya şorişê demokratîkî yê Tirkîya û azadîya Kurdîstanî. şer kerd.

Serrgêra 44. ya PKKyî de raştîya şehîdan a ke raştîya Rayber Apoyî û PKKyî ya, israrê cuya azade de ya, xeta azadîya cinîyan a. 44 srrran de tecrube, xoserîye, têkoşînê azadîye û qerardarîyêka pîle vejîyayî werte. Serdestî, 'qralî' û hêzê bînî çend hêrişê PKKyî bikerê zî nêeşkenê ser bikewê. Komara Tirkîya wina hesibnayêne ke seserra 20. de qirkerdişê kurdan temam bikera la PKKyî verê nê hesaban girewt û paradîgmayêke vete werte. Nika xeta PKKyî û xeta qirkere-kolonyalîste têvera têkoşîn kenê. Dewleta tirke awanîya xo şerê taybetî ser o naya ro. Xêrê Têgêrayîşê Azadîye ra yew hêzê nê şerê taybetî nêmendo. 

Raştîya dewleta tirke îqtîdarê AKP-MHPyî de meşrû nîya. Îqtîdar wazeno pê metodanê darbekar û komployî sîyaset de bimano. Welat de krîzê ekonomîkî û sîyasî estê la îqtîdar semedê çareserîye gamêke nêerzeno. Îqtîdar keno ke pê şerê taybetî, pê paştdayîşê hêzan ê mîyanneteweyîyan û hemkaran xo xurt bikero. Îqtîdar pê medya, teknîkê leşkerî, teknolojî, kundox, fuhuş û kayan wazeno îradeyê komelê Kurdîstanî birijno. Rayber Apoyî 2015 de pê vateyê 'Mekanîkê darbe dewre de yo' bale antbî nê kerdişan ser. 

Îqtîdar pê tecrîdî wazeno vengê Rayberîye bibirno û kurdan pê serekîya sexte ya PDKyî xapîneno. Her kes zaneno ke key Rayber Apo qisey bikero komel aram beno, cinîyî aver şinê. îqtîdarê AKP-MHPyî cara dişmenê cinîyan o. Azadîya Rayber Apoyî azadîya cinîyan a. Rayber Apo raybetê komelê demokratîkî yo. Ganî ciwanê kurdî vera tecrîdî û qirkerdişê şarê xo hende bêveng nêmanê. Cinî û ciwanê kurdî ganî vera qirkerdişan têkoşîn bikerê, cayê xo de mevinderê. Senî ke gerîlayî Herêmanê Pawitişî yê Medya de şer kenê wa ciwanî zî metropolan û şaristanan de şer û têkoşîn bikerê.

Mîyanê îqtîdaranê sey AKP-MHPyî de cayê cinîyan qetî çin o. Nê îqtîdarî cinîyan sey makînaya domankerdişî, hacetê seksî vînenê. Kurdîstan de qirkerdişê cinîyan asta tewr pîle de yo. Kurdîstan de leşkerê tirkî, polîsê înan, hêzê înan ê dewlete pê metodê şerê taybetî nêzdîyê cinîyan benê. Ganî cinîyê kurdî bizanê ke ê mîyanê şerî de yê û ganî pêro hîsê xo goreyê nê şerî awan bikerê. Ez qala wezîfeyê awankerdişê neteweya demokratîke kena. Çunke cewherê neteweya kurdan cinî yê. 

Cinîyê kurdî ganî vera polîtîkayanê qirkerdişî, vera faşîzmê AKP-MHPyî polîtîkayanê xo awan bikerê. Wa cinîyî bibê yew, kolektîfanê xo awan bikerê, vera kerdişanê îqtîdarê faşîstî her ca de têkoşîn awan bikerê. Şîfreya nê dewrî çalakî ya. Cinîyê kurdî ganî hertim plansazîyan bikerê û sere de cinîyê ciwanî ganî xebatê winasênî bêrê kerdene ke pêro cinîyî Kurdîstan de têbigêrê.

Tewiro tewr manadar ê cinîyan mîyanê gerîlayan de vejîyeno werte. Gerîlayê YJA-starî sembolê welatperwerîye, îradeyê cewherî, fikrê azadî û cuya rêxistinkerde ya komunal o. Îdîaya 'seserra 21. do biba seserra cinîyan' şexsê gerîlayanê YJA-Starî de yena pratîzekerdene. Gerîlayê YJA-Starî bi her hawayî têkoşînê azadîya cinîyan vejenê werte. Ma nêeşkenê vajê ke ewro raştîya şerê Herêmanê Pawitişî yê Medya hetê cinîyan û kurdan ra yena famkerdene. AKP, MHP, NATO, hêzê serdestî nê şerî cîya vînenê û hêrişanê stratejîkan kenê. Ganî her kes derheqê xoverdayîşê gerîlayan û hêrişanê îşxalî yê vera Herêmanê Pawitişî yê Medya de reyna bifikiro û çi keweno milê ci bîyaro ca.

Nê hêrişî bi armancê tasfîyeya PKK û gerîlayan yenê kerdene. Ê wazenê îradeyê kurdan ê azadî werte ra wedarnê, qerardarîya gerîlayan pûç bikerê. Dişmen bi hawayêkê cidîyî nêzdîyê şerê Avaşîn, Metîna û Zapî beno. Ganî welatperwerî dormeyê kurdan de bêrê pêser. Înan Efrîn de se kerdo wazenê Başûr de zî heman çi bikerê. 6 mengî yo dişmen nêeşka Herêmanê Pawitişî yê Medya de ser bikewo. Ê wazenê pê teknîkî û pê çeka kîmyewîye ser bikewê. Înan Qirkerdişê Armanîyan, Terteleyê Dêrsimî û serranê 90an de heman çi kerd. La ma zanenê ke êyê ke qederê nê şerî dîyar bikerê cinîyê azad ê. Ma na îdîa û sozî danê. Ez venga pêro cinîyanê Kurdîstanî dana ke şerê şarî yê şorişgêrî bikerê. Çeka tewr pîle ya cinîyan hêzo rêxistinkerde yo. 

Îqtîdarê AKP-MHPyî zî zaneno ke o vera Têkoşînê Azadîye bin kewto.Hêzanê komplogeran 23 serrî yo paştî dayêne înan la nêeşkayî binkewtişê înan asteng bikerê. Têgêrayîşê Cinîyan ê Kurdan tim rolê xo ard ca, rayberîya pêro çalakîyan kerde. Vakurê Kurdîstanî de çalakîyê têgêrayîşê cinîyan dewam kenê ke ma qîmet danê nê çalakîyan. Nika ra pey armancê ma no yo ke çalakîyê ma bibê komelkî û zor bidê faşîzmî. 

Ez reyna  serrgêra 44. ya ronayîşê PKKyî ya cinîyan, ciwanan, şar û dostanê ma fîraz kena. Ma sozê xo yê serfîrazîye dibare kenê. Nê esasî ser o ez venga pêro kesan dana ke  serrgêra 44. ya partîye de wezîfeyanê xo bîyarê ca.Wezîfeyoo emserîn no yo ke çarçewa Hemleya 'Wextê Azadîye' de caardişê azadîya Rayberê Şarê Kurdî yo û averberdişê na hemle yo.''