Gerîlaya YJA Starî Aze Vîyana ke 2 serrî yo  xoverdayîşê Cengê Heftanînî sey xebatkara weşîye gureyena, qala gureyê xo û  rewşa gerîlayanê birîndaran kerde.

Vîyane vat: ''PKK de doktor û xebatkare weşîye bîyayîş hîna zehmet o. Cunku tîya birîndarî embazê to yê û PKK de çîyo tewr muhîm hemrayîye ya. Ganî merdim her çîyî rê amade bo û pêt bo. Xora tîya her çî derman nîyo, gerîlayêkê birîndarî rê eleqadarîya hemrayanê ci dermano dewt hol û erjîyaye yo.

Hela ke birîndarî benê weş, dejê înan benê kêm, bîrînê înan qefilyenê, o kêf û şayîya înan ke çew/e vîneno senî ke çew/e gulê bierzo dişmenî wina zerrîya çewî/e rehet bena. Cephe de şerkerdiş zaf muhîm o la no her çî nîyo. Çeka min a tewr girde derman û tewreyê dermananê min o.

Weşkerdişê her embazî zî vera dişmenî çalakîyêk a. Îradeyê ebmzanê birîndaran sey asin o. Gama ke ez înan derman kena ez coş û moralê înan hêz gena. Wexto ke ez derbanê înan pak kena, ê zî mi rê hetkarîye kenê. Nê derbê şorişî yê. Rêçê Cengê Heftanîn ê. Heftanîn do tim tersê dişmenî bo. Sey dekewtişê Heftanînî do vejîyayîşê ci zî rehet nêbo.

Embazî bi qerardarîye şer kenê. Heftanîn warê cinîya azad o. Şeşdare de serkêşîya cinîyan û şexsê embaze Esmere de destanêk ame nuştene.''