Hemşaredarê HDPyî yê Sûrê Amedî  Fîlîze Buluttekîn û Cemal Ozdemîr bi îdîaya ''endamîya rêxistine'' ameyî tepiştene.

Amed de Hemşaredarê Sûrî Fîlîze Buluttekîn û Cemal Ozdemîr ê ke wezîfeyê xo ra amebî dûrvistene û herinda înan de qeyûm amebi tayînkerdene û endamê Meclîsê Şaredarîye Yilmaz Eken Mudirîyetê Asayîşî yê Amedî ra sewqê edlîye ameyî kerdene. Hemşaredarî Buluttekîne û Cemal îfadeyê xo yê dozgerîye ra dima bi îdîayanê ''endamîya rêxistine'', ''wayîrîya weşananê qedexeyan'', ''muxalefetê vera qanûnanê sucan'', ''tewrbîyayîşê merasîmanê cenazeyan'' bi waştişê tepiştişê Mehkemeya Cezaya Sulhî ya Nobetdare rê ameyî sewqkerdene.  Buluttekîne û Cemal hetê mehkeme ra ameyî tepiştene. Endamê Meclîsê Şaredarîya Sûrî Yilmaz Eken zî bi şertê kontrolê edlîyî ame veradayene.