Hemşaredarê verênî yê Dêrikî Abulkerîm Erdem û Sabahate Çetînkaya yê ke 2016 de wezîfeyê înan amebi xespkerdene û ameybî hepskerdene badê hîrê serran bi şertê kontrolê edlîyî ameybî verdayene. Wird hemşaredarî zî tede roniştişê dewaya 22 kesan ame kerdene. Roniştişo ke Mehkemeya Cezaya Girane ya 4. ya Mêrdînî de ame kerdene de derheqê 12 kesan de qerar ame girewtene.

Bi îdîya endamîya rêxistine hemşaredar Abdulkerîm Erdemî rê 7 serrî 11 aşmî, hemşaredare sabahate Çetînkaya rê 6 serrî û 3 aşmî, Abdullah Ecerî rê 6 serrî û 3 aşmî, Cîhan Akarî rê 7 serrî û 6 aşmî, Mazlum Erekî rê 6 serrî û 3 aşmî, Murat Ozuçalişirî rê 7 serrî û 8 aşmî û 15 rojî cezaya hepsî ameyî birnayene. Tacettîn aslan û Halît Efeyî rê zî  cezaya 2 serran û aşmêke ameye dayene.

Mehkeme bi îdîayê xeripnayîşê yewîya welatî cezaya muebetê giranî û 18 serran û 9 aşman daye Mursel Înanî. Bi eynî îdayî ceya muebetê girane û 12 serran û 6 aşman zî da daye Huseyîn Aydinî.

Derheqê Kadrî Guneş û Firat Çelîkî de qerarê beraatî ame dayene.