Merkezê Îrtîbatî û Çapemenîye yê HPGyî derheqê hêrişanê îşxalî û çalakîyanê gerîlayan de na eşkerayîye daye:

''4ê teşrîna peyêne de şan artêşa tirke ya îşxalkere warê Keşanî yê Heftanînî pê teyarayanê şerî û hêrişî da bombayan ver û dima zî tede operasyonêko hîra yê îşxalî da destpêkerdene. No operasyon 6ê teşrîna peyêne de bênetîce qedîya.

5ê teşrîna peyêne de artêşa tirke ya îşxalkere warê Werxelê û Dola Konferansî yê Avaşînî, 5-7ê teşrîna peyêne de warê Kanîbotkî û dewa Sewrê yê Çemankê, warê Kanîsarkî yê Garê, 7ê teşrîna peyêne de dormeyê Ava Lolanî yê Xakûrkê û warê Qela Bêdewê dayî bombayan ver.

Nê bombardumanan de zerar resa bax û baxçeyanê şarê ma, semedo ke erazîyan de şewat vejîya şar neçare mend ke dewanê xo biterikno.

5 û 8ê teşrîna peyêne de waranê Tabura Ereban, Merwanos, Werxelê û Banista yê herêma Avaşînî de têgêrayîşê helîkopteran qewimîya.''