Xelisnayîşê şarê êzîdîyan ra dima, 3ê tebaxe 2014î de îlankerdişê Îdareyê Xoserî yê Şingalî, Hêzê Pawitişî yê Şingalî YBŞ/YJŞyî ra dima PDK û îqtîdarê AKP-MHPyî nêeşkîyayê bikewê herême û plananê xo bîyarê bi ca. Serra 2017î ra heta nika bi destê MÎTî dest bi hedefgirewtişê rayber û berpirsyaranê êzîdîyan kenê.

Tewr peynî  hêrîşanê 27ê sibate û 1ê adare de Fermandarê YBŞyî Pîr Çeko û Agir Cefrî û Îdareyê  Asayîşê Êzidxane ra Şerzad Şemo Qasim şehîd bîyê.

Hêrîşê çinkerdişê şarê êzîdîyan ê Fermanê 3ê Tebaxe 2014î yê çeteyanê DAÎŞî bi destê dewleta tirke û PDKyî dewam kenê

2017: Hêrişê PDKyî yo yewin

PDKyî 3ê adare 2017î de çeteyê bi nameyê ‘Roj’ erşawitibî bajarê Xanesor a Şingalî. Nê hêrîşî de Endama Têgêrayîşê Azadîya Cinîyan ê Êzîdîyan (TAJÊ) Nazê Nayif, 7 şerwanê Yewîneyê Xoverdayîşê Şingalî (YBŞ) û Hêzê Pawitişê Şarî (HPG) şehîd bîyê. Û sewbîna temsîlkarê Çapemenîyê Azadî Rojnameger Nûjîyane Erhan ke qirkerdişê Şingalî heme dinya rê vila kerdbî, bi giranî birîndare bîye û 22ê adare de şehîd bîye.

Şingal 170 km dûrîyê Tirkîya yo. 25ê nîsane 2017î de reya yewine dewleta tirke hewa ra hêrîşê Şingalî kerd û sivîlêk şehîd bî û şervanêk zî birîndar bî. Û sewbîna awanîya Radyoya Çira bi temamî rijîya bajar zirarêko pîl dî. A roje reyna êrîşê merkezê Fermandarîya Pêroyî ya YPGyî yê Koyê Qereçoxî kerd û 20 şerwanê YPG û YPJyî qetil kerdî.

2018: Serkêş Mam Zekî kerd hedef û hêrîşê xo hîna hîra kerdî

15ê tebaxe 2018î de endamê Koordînasyonê Komelê Êzîdîyan Mam Zekîyo Şingalij wexto ke merasîmê vîrardena şehîdanê Koço yê herêma Gelîyê Şîloyî ra agêrayêne bî hedefê dronanê Tirkîya. Mam Zekî û Şerwanê YBŞyî Mahîr Serhed şehîd bîyê.

2019: Bi teyera û dronan hêrîş kerdî

13ê kanûne 2019î de 3 xebatkarî ke seba kendişê bîrî Kobanê ra ameybî Şingal, bîyê qurbanê hêrîşanê hewayî.

Teşrîna Peyêne ya 2019î de bi dronanê biçekan hêrîşê bajarê Xanesorî kerd. Nê hêrîşî de 6 şerwanê YBŞyî şehîd bîyê.

2020: Kampê êzîdîyan bîyê hedefê hêrîşan

15ê çeleyî 2020î de dewa Digur ê qezaya Sinûnê ya Şingalî de, êrîşê Fermandarê Pêroyî yê YBŞyî Zerdeşt Şingalî kerd. Nê hêrîşî de Zerdeşt Şingalî û şerwanê YBŞyî Şervan Cilo û Êzdîn Şingalî şehîd bîyê û kesêk zî birîndar bî.

15 hezîrane 2020î de Kampa Bextwaştoxan a Şehîd Rustem Cûdî (Mexmûr) û Herêmanê Pawitişî yê Medya, û nêweşxaneyêkê dewa Serdeşt û tay cayê koyanê Şingalî ameyê bombakerdene.

30ê hezîran 2020î de Êzîdîyê ke Kampa Serdeştî de, êyê ke qirkerdişê Şingalî ra xelisyaybî û koyê Şingalî ra bi ca biybî, bîyê hedefê hêrîşan.

23-25ê tebaxe 2020î de Herêmanê Pawitişî yê Medya û koyê Şingalî reyna ameyê bombakerdene û heta 26ê aşme zî rema.

Hêrîşê 26ê tebaxe 2020î yê dewa Behrava ya Xanesorî de bi dronanê biçekan da wesayîtêkî ro û 2 kesî şehîd bîyê. Hêrîşê dewa Bare de çîyêk bi kesî nêbî.

9ê teşrîna peyêne de dewa Barê reyna bîye hedefê hêrîşanê Tirkîya, şerwanêkê YBŞyî şehîd bî û 2 kes zî bîrîndar bîyê.

2021: Serkêşê komelê êzîdî Seîd Hesen ame qetilkerdene

16ê tebaxe 2021î de wesayîta Fermandarê YBŞyî Seîd Hesen bîye hedefe. Nê hêrîşî de Seîd Hesen û birazayê ci şerwanê YBŞyî Xwedêda şehîd bîyê û 3 kesî zî birîndar bîyê.

17ê tebaxe 2021î de dewleta tirke nêweşxaneyêkê sivîlan ê dewa Sikinîyî ra bombayî varnayî. Nê hêrîşî de 8 kesî şehîd bîyê û nêweşxane pêro rijîya.

7ê kanûne 2021î de wesayîta Hemserekê Meclîsê Rayber a Rayberîya Xoserîya Demokratîke ya Şingalî Merwan Medel bîye hedef û ame teqnayîş. Nê hêrîşî de Merwan Bedl şehîd bî û 2 gedeyê ey ke wesayîte de bîyê, birîndar bîyê.

11ê kanûne 2021î de awanîya Meclîsê Şar ê Qezaya Xanesorî ya Şingalî ame bombakerdene û awanî xesar girewt.

2022: Bêmabên bombarduman

21ê çeleyî 2022î de Gelîyê Şîlo yê Şingalî ra bi dronanê biçekan hêrîşê wesayîtêke kerd. Fermandarê YBŞ Azad Êzdîn û şerwanê YBŞyî Enwer Tolhildan şehîd bîyê.

1ê sibate teyarayê şerî herêmanê Amûd û Çilmera bomba kerdî. Nê hêrîşî 5 saetî remayê û çîyêk bi kesêkî nêame.

15 hezîrane 2022 de awanîya Meclîsê Şarî ê qezaya Sinûnî ya Şingalî ame teqnayene û Xidir Şivan Naso û Selah Nasoyo 12 serre şehîd bîyê û 8 kesî zî birîndar bîyê.

2ê gulane 2022î de hêzê Iraqî hewl dayî ke bikewê Şingalî û hêrîşê Merkezê Asayîşê Şingalî û dewê Digur û Sinûnî kerdî. Bi xoverdayîş YBŞ/YJŞyî hêzê Iraqî apey şîyê. Nê xoverdayîşî de şerwanê YBŞ Şervan Êzidxan û Şerwana YJŞyî Feraşîne Şengalî şehîd bîyê.

29ê tebaxe 2022î de artêşa tirke bi dronan hêrîşê wesayîtêke kerde û di şerwanê ke tede bîyê, birîndar bîyê.

11ê êlule 2022î de Behrawa ya Xanesorî hêrîşê wesayîtêka hêzanê YBŞyî kerd, nê hêrîş de çîyêk bi kesêkî nêame.

25ê êlule 2022î de bajarê Til Ezêrî de hêrîşî ameyê kerdene, nê hêrîşan de çîyêk bi kesêkî nêame.

6ê teşrîna verêne 2022î de reyna Kampa Serdeşt bîye hedefê hêrîşan, nê hêrîşan de çîyêk bi kesêkî nêame.

28ê teşîrna verêne 2022î de nêzdîya merkezê Cidal ê Şingalî de wesayîtêke bîye hedefê hêrîşan, nê hêrîşî de çîyêk bi kesekî nêame

29ê teşrîna verêne 2022î de keyeyêk bajarê Xanesorî de ame bombakerdene. Nê hêrîşî de çîyêk bi kesekî nêame 

1ê teşrîna peyêne 2022yî de dewleta tirke Qubbeyê Hesin Meman ke îbadetxaneyê şarê êzîdîyan o, kerd hedef ê hêrîş kerd. Nê hêrîşî de çîyêk bi kesekî nêame la qubbe xesar girewt.

3ê teşrîna peyêne 2022yî de artêşa dewleta tirke Taxa El Nasir de hêrîşê biwesayîte kerde û nê hêrîşî de sivîlêk şehîd bî, û cinîyêke zî birîndare bîye.

2023: Domanê serkêş ê Êzîdxane yenê qetilkerdene

27ê çeleyî 2023î de dewleta tirke ya faşîste bi teyarayanê bêînsanan ê biçekan hêrîşê wesayîtêke kerd. Nê hêrîşî de 2 fermandarê YBŞyî Pîr Çeko û Agor Cefrî çehîd bîyê û şerwanêk zî birîndar bî.

Tewr peynî 1ê adare 2023î de merkezê Şingalî ra wesayîtêka hêzê asayîşî ame hedefgirewtene. Nê hêrîşî de Rayberîya Asayîşê Êzîdxaneyî ra Şerzad Şemo Qasim şehîd bî.

Vera ajanan ‘Operasyonê Heyfgirewtişî’

Yewîneya Taybete ya YBŞyî û Hêzê Ewlekarî yê Şingalî pîya 24ê sibate 2023î de vera ajanan Şingal de dest bi ‘Operasyonê Heyfgirewtişî’ kerd û torêka ajananê ê PDK û MÎTî ameyê tepîştene. Bi nameyê Seed Casim Mirad û Saleh Berces ajanî ameyî tepîştene.

YBŞ: Kamca de bibê zî ma do teqez hesab bipersê

YBŞyî derheqê vera ajanan ‘Operasyon Heyfgirewtişî’ de eşkerayîye daybî û vatbî : ‘‘Ajanî kamca de bibê zî ma do teqez înan ra hesab bipersê.’’