Fermandaranê HPGyî ra Berxwedan Rojhilatî da zanayene ke, ‘‘Dişmen do tecrîdî ra teqez nêeşkîyo encam bigîro’’

Bi wesîleya serrgêra 24ine ya Komployê Mîyanneteweyî yê 15ê Sibata 1999î Fermandaranê HPGyî ra Berxwedan Rojhilatî ANFyî rê qisey kerd.

Rojhilatî nê çîyî ardî ziwan: ‘‘Rojhelatê Mîyanênî de reya yewin o ke sey Rayber Apoyî rayberêko  hişmend vejîya meydan. Û no, hêzanê serdestan ser o tersêko gird viraşt. Seba ney zî Komployo Mîyanneteweyî  kerd.

Heme kayê û hîleyê înan veng vejîyayî

Înan waşt ke bi şexsê Rayber Apoyî şarê kurdî çin bikerê. Hesabê wextî zî kerdbî la hesabê înan cayê xo nêgirewt. Çunke PKK têgêrayîşêko îdeolojîk o û îdeolojîyê ci bingeyêkê pêtî ser o ameyo ronayene. PKK her wextî ra zafêr aver şi û seba heyfgirewtişî zî girêdayîya xo ya Rayber Apoyî mojnaye.

Bi tecrîdî do nêeşkîyê encam bigîrê

Hêzê mîyanneteweyî bi komployî nêeşkîyayî encam bigîrê nika zî rayîrêkê bînî ceribnenê. Nînan ra yew tecrîd o. Vera Rayber Apoyî tecrîdêko giran est o. Dişmen do tecrîd û komployan ra encam nêgîro. Serkewtiş do yê ma bibo. Ma xo ra bawer ê, şarê xo ra bawer ê, îdeolojîyê Rayber Apoyî ra bawer ê. Ma do bi na bawerî û bi nê îdeolojîyî xo ser vinderê.’’