Tecrîdo giran ê vera Rayberê Şarê Kurdî Abdullah Ocalanî cayêkê Kurdîstanî de zî nêno qebulkerdene. Roniştoxanê herêma Behdînanî yê Başûrê Kurdîstanî derheqê babete de qisey kerd û bale ante girîngîya Ocalanî ya seba şarê kurdî.

Ciwanê bi nameyê Kahramanî vat: ''21 serran ra nata Serek Apo hetê dewleta tirke ya faşîste ra yeno tepiştene. No hetê şarê kurdî ra nêno qebulkerdene. 15ê sibate seba ma rojêka reş a. Ma vera nê tecrîdî tim vinderê. Dewleta tirke seba ke şarê kurdî çin bikera tm planan kena. Xora şarê kurdî tim tarîx de zî hetê serdestan û asîmîlekaran ame qetilkerdene. Vera naye ganî ma bibê yew.''

Hemwelatîya bi nameyê Nergîze vat: ''Ma qet esîrîya Serek Apoyî qebul nêkenê û heta ke Serek Apo azad bibo ma do payan ser o bibê. Ganî ma bibê yew ke wurzê payan ser û vera dewleta tirke ya îşxalkere vinderê û ser bikewê. Bi serran o ke Rayber Apo binê tecrîdî de yo. Rayber Apoyî her tim seba azadîya şarê kurdî têkoşîn kerd. Ganî ma zî sey şarê kurdî bibê yew û xo ver bidê. Heta ke Serek Apo azad nêbo şarê kurdî zî azad nêbeno.''