17ê êlula 2021î de Endamê Komîteya Keyeyanê Şehîdan a PKKyî ya Başûrî Şukrî Serhed (Yasîn Bulut) Silêmanî de amebi qetilkerdene.  Selahîyetdaranê Herêma Kurdîstanî dabi zanayene ke destê înan de derheqê kiştoxan de tay dokumentî estê la hema zî dokumentî eşkera nêkerdî.

Komîteya Keyeyanê Şehîdan a PKKyî ya Başûrî sey her roja îneyî ewro zî cayê qirkerdişê Şukrî Serhedî de çalakîye kerde. Keyeyê şehîdan, çalakîkerî û hemwelatîyê Silêmanî tewrê çalakîye bîyî.

Çalakîye de eşkerayîye Komîteya Keyeyanê Şehîdan a PKKyî ameye wendene. Çalakîye de ame vîrvistene ke qirkerdişê Serhedî 92 rojî peyê xo de verdayî la hema zî selahîyetdaran serebût zelal nêkerd. Komîte vera bêvengîya Hukmatê Herêma Kurdîstanî rexne kerde û vat: ''Heta ke kiştoxî bêrê eşkerakerdene çalakîya ma do dewam bikera.''