Menga teşrîna peyêne de qezaya Piremegrunî ya Silêmanîye de berhemê kekî yê tirkan de hebêk amebî dîyene. Madeya ke mîyanê kekî ra vejîyabî medyaya komelkî ser o amebî parekerdene. Qeymeqamîya Dukanî dest na kekanê bi markaya Luppoyî ser û seba cigêrayîşî erşawitî Wezaretê Weşîye.

Qeymeqamî û Wezaretê Weşîye derheqê cigêrayîşî de hema çîyêk nêvat. La gore zanayîşê RojNewsî ame rastkerdene ke kekan de hebî vejîyayî û seba naye tay birî ameyî girewtene.

Vervatoxê wezaretî Bextîyar Mela Ehmedî pare kerd ke hebî bi hawayêkê biplanî zereyê kekan de ameyî ronayene û vat: "Her kartonî de mîyanê yew paketê kekî de hebî vejîyayêne. Ez nameyê hebî nêzanena, doktorî zanenê. Gore cigêrayîşan bi taybetî averşîyayîşê mezgê domanan ser o tesîrê ci yê xirabî estî."

Bextîyarî ard ziwan ke derheqê tay berhemanê bînan de zî şikî estî û wina dewam kerd: "Cigêrayîşan ra dima rotişê nê kekî û berhemanê bînan ame qedexekerdene. Ê berhemê bînî zî nika destî de yê ameyî arêdayene.