Hêzanê Iraqî serê sibayî verê xo da Kampa Multecîyan a Şehîd Rûstem Cûdîyî û waşt ke dormeyê kampe têl bikerê. Badê protestoyan kampe ra heyetêkî selahîyetdaranê Iraqî dir pêvînayîş kerd.

Bado ke şar ver bi nuqtayêka Iraqî dest pê rayraşîyayîşî kerd, kampe ra heyetêk şi selahîyetdaranê Iraqî dir pêvînayîş kerd. Badê pêvînayîşê ke bi berpirsîyarê leşkerî yê Mexmûrî Seîd Abdullahî ame kerdene Hemserekê Meclîsê Şarî yê Mexmûrî Haci Kaçanî eşkerayîyêke daye.

Kaçanî derheqê pêvînayîşî de nê vatî: ''Ma berpirsîyarê leşkerî yê Mexmûrî dir pêvînayîş kerd. Ma derheqê dormê girewtişê kampe û nêrazîbîyayîşê şarî de qisey kerd û vat ma do çirey destûr nêdo ke dormeyê kampe bêro girewtene. Inan ard ziwan ke leşkerê herême yê Mexmûrî nêeşkenê xo ser çîyêk bikerê, qerarî Bexdad de yenê girewtene û vat ê do derheqê babete de selahîyetdaran reyde pêvînayîşêk organîze bikerê.‘‘

Badê eşkerayîye şarê kampe vila bi û nika kampe de rewşa normal a.