Merkezê Çapemenîye û Îrtîbatî yê HPGyî derheqê pêkewtişanê mabênê gerîlayan û artêşa tirke de eşkerayîye daye.  Eşkerayîye de ame vatene ke gerîlayî mewzîyanê şerî de bi têkoşînê tarîxîyî hêrişanê îşxalî pûç vejenê û artêşa tirke ya ke derbanê giranan wena, çekanê kîyewîyan şuxulnena û sûcê şerî kena. Detayê çalakîyan wina ameyî parekerdene:

Avaşîn

23ê nîsane de Warê Xoverdayîşî yê Werxelê de îşxalkerî bi taktîkê suîqestî ameyî pirodayene, 3 îşxalkerî ameyî cezakerdene û îşxalkerêk birîndar bî. 24ê nîsane de Werxelê dîya bombayan ver. Cemê şanî gama ke îşxlakeran waşt reyna bi madeyê teqeyîşî hêriş bikerê hetê hêzanê ma ra mesafeyo nêzdî ra ameyî pirodayene, 2 îşxalkerî ameyî cezakerdene. Îşxakeranê derbeyê pîlî werdî saetanê şewe de teyarayanê şerî warî ser o bombayî varnayî.

Zap

Herêma Zapî de çalakîyê 24ê nîsane de ameyî kerdene wina yê; dormeyê Girê Ortê yê Girê Karkerî de îşxalkerî hetê hêzanê ma ra ameyî pirodayene, îşxalkerêk ame cezakerdene. Îşxalkerê ke dormeyê Warê Xoverdayîşî yê Şikefta Birîndara de bî hetê hêzanê ma ra pê çekanê giranan ameyî pirodayene.  Îşxalkeranê ke waşt pê madeyanê teqayîşî hêrişê Mewzîyanê Xoverdayîşî yê Girê Cûdîyî bikerê bi taktîkê suîqestî ameyî prosayene, îşxalkerêk ame cezakerdene. Reyna dormeyê Mewzîyanê Xoverdayîşî yê Şehîd Berxwedanî de zî îşxlakerî hetê hêzanê ma ra ameyî pirodayene, 2 îşxalkerî ameyî cezakerdene û mewzîyêke ameye îmhakerdene. Hêzanê ma dormeyê Warê Xoverdayîşî yê Kurojahroyî de zî pê çekanê giranan da îşxalkeran ro, 2 îşxalkerî ameyî cezakerdene. Îşxalkeranê ke waşt dormeyê Warê Xoverdayîşî yê Werxelê de mewzîyanê xo ronê ameyî pirodayene, îşxalkerêk ame cezakerdene. Warê Xoverdayîşî yê Şehîd Şahînî de zî droneyêk hetê hêzanê ma ra dîya war. Girê Mamreşoyî yê Warê Xoverdayîşî yê Kurojaharoyî de îşxalkerî ameyî pirodayene, 2 îşxalkerî ameyî cezakerdene.  Gêro Rûbarî de zî helîkopterî ameyî hedefgirewtene , helîkopterêkê hêrişî ame derbkerdene.

Eynî roje Mewzîyê Girê Ortê, Girê Şehîd Cûdî, Girê Şehîd Berxwedan, Şehîd Hewrê,Şikefta Birîndara, Şehîd Şahîn, Çiyareş, Warê Xoverdayîşî yê Şehîd Berxwedanî û warê Çemço  pê teyarayanê şerî, çekanê kîmyewîyan û madayanê teqayîşî dîyayî bombayan ver.

24 û 25ê nîsane de zî  Girê Cûdî û Girê FMyî yê herêma Zapî hetê qereqolanê sînorî ra pê obusan û warê Golka û Girê Hakkarî yê Metîya pê teyarayanê şerî dîyayî bombayan ver.''